«Ja kožny dzień malusia, kab maja kraina spyniła hetuju vajnu». Ziemfira vystupiła z antyvajennym zaklikam na kancercie na Kipry
Rasijskaja śpiavačka Ziemfira vystupiła z antyvajennaj pramovaj na kancercie ŭ Limasole 9 kastryčnika. Heta byŭ pieršy kancert jeŭrapiejskaha tura ŭ padtrymku alboma «Borderline».
«Siońnia 228-y dzień vajny. 228-y dzień piekła, jakoje stała realnaściu. Ja ŭvieś hety čas šmat dumała, razmaŭlała z saboj pra heta. Ja nie lublu i nie ŭmieju kazać sa sceny. Ale ja kožny dzień malusia, kab hetaja vajna spyniłasia, kab maja kraina spyniła hetuju vajnu», — zajaviła śpiavačka i vykanała pieśniu «Nie stralajcie».
U dzień rasijskaha ŭvarvańnia va Ukrainu 24 lutaha Ziemfira vystupiła ŭ Maskvie ź pieršym solnym kancertam za piać hadoŭ. U toj dzień na sajcie i ŭ sacsietkach vykanaŭcy źjaviŭsia nadpis «Nie — vajnie». Druhi kancert u Maskvie śpiavačka dała 26 lutaha. Paśla hetaha jana pakinuła Rasiju.
U sakaviku Ziemfira apublikavała klip na pieśniu «Nie stralajcie» z kadrami vajny va Ukrainie.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?53
Kamientary