Biełaruski reper Aleh ŁSP viasnoj vykazvaŭsia suprać vajny, ale dniami vystupaŭ u rasijskich haradach.
U pačatku listapada (4, 5 i 8 čysła) hurt śpiavaŭ u Jekacierynburhu, Čalabinsku, Arenburhu.
Raskład hetych kancertaŭ byŭ na aficyjnym sajcie muzykaŭ, ale paśla źnik.
U tury z ŁSP hraŭ hitaryst hurta «Mumi Trol» Arciom Krycyn. A voś muzyki Piatra Klujeva nie scenie zaŭvažana nie było.
Raniej ŁSP vykazvaŭsia suprać vajny. U krasaviku hurt vypuściŭ pieśniu «Urahany» i napisaŭ, što ŭsie zaroblenyja ź jaje srodki buduć nakiravanyja ŭ fondy padtrymki ŭciekačoŭ.
«Ja nie viedaju nivodnaha čałavieka, jaki śviadoma ŭchvalaje bambardziroŭki i rakietnyja abstreły, zabojstvy ludziej i razbureńnie haradoŭ. Upeŭnieny, jany isnujuć, ale padzialić ich punkt hledžańnia ŭ mianie nikoli nie atrymajecca. Ja b vielmi chacieŭ paŭpłyvać na hety kašmar — spynić, a lepš — adkrucić nazad, kab technika i bojeprypasy viarnulisia na składy, razburanyja harady paŭstali z popiełu, a ludzi — z mahił. Ale ja dastatkova darosły, kab razumieć — maich sił dla hetaha, na žal, niedastatkova», — dzialiŭsia frontmien Aleh Saŭčanka.
U intervju «Našaj Nivie» ŭ červieni repier kazaŭ, što peŭny čas vyrašyŭ pravieści ŭ vandroŭkach i nie viartacca ŭ Biełaruś ci Rasiju.
Kali pačałasia vajna, jon admianiŭ tur pa Rasii. Naŭrad ci pohlady muzykaŭ źmianilisia, ale praź niekalki miesiacaŭ jany adnavili kancerty — u vieraśni byli vystupleńni ŭ Rastovie i Kalininhradzie.
Aleh ŁSP — pra žyćcio paśla 24 lutaha, tvorčaść na biełaruskaj movie i płejlisty Łukašenki dy Pucina. Vialikaja hutarka
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary