U archivach znajšli zhadku pra asabistaha krakadziła kniazia Radziviła
Homielski historyk Jaŭhien Malikaŭ znajšoŭ u polskich archivach śviedčańnie pra cmoka. Dakładniej, pra krakadziła padkanclera VKŁ i starasty Homielskaha, kniazia Michała Kazimira Radziviła. Mahnat u adnym z dakumientaŭ XVII stahodździa ŭ pierapiscy z zamiežnymi kupcami prosić nabyć dla jaho niezvyčajny tavar: «Na krakadziła ź vialikaj čakaju nieciarpilivaściu». Na svajoj staroncy ŭ fejsbuku daśledčyk apublikavaŭ ese pra ekzatyčnuju žyviołu, piša «Štodzień».
«Paŭtara hoda pierabiraju ŭ polskich histaryčnych archivach papiery staražytnych biełaruskich radoŭ u pošukach zhadak pra Homielščynu. Dabraŭsia da Radziviłaŭ. I tut …
Pačatak 1670-ch hh. Kniaź Michał Kazimir Radzivił — padkancler VKŁ, hietman polny Litoŭski, a ź niadaŭniaha času taksama i starasta Homielski, Prapojski dy inšy, pierapisvajecca sa svajoj davieranaj asobaj (nieviadomaj) pa handli z Hdańskam i hałandskimi kupcami tavarami, vyrablajemymi ŭ jaho šmatlikich uładańniach. Paśla pieraliku abjomaŭ pastaŭlajemych tavaraŭ, kniaź pieraličvaje i tyja rečy, jakija prosić nabyć dla jaho za atrymanyja hrošy — kuntušy, srebra, kaštoŭnyja kamiani (bujnyja!), špalery, niešta ź indyjskich tavaraŭ. I, miž inšym, paviedamlaje — «Na Krokodyla z wielką czekam inpaciencyą» — «Na krakadziła ź vialikaj čakaju nieciarplivaściu».
Chm… Nu što, u XVI st. Radziviły trymali lvoŭ, a ŭ XVIII st. jany raśsiakali pa Niaśvižy na viarbludach — ab tym było viadoma ŭžo daŭno. A voś pra asabistaha krakadziła jašče nie viedaŭ…
Cikava, a ci nie pryvoziŭ, vypadkam, kniaź Michał Kazimir Radzivił svajho krakadziła ŭ Homiel — tak by mović, dla lepšaj nahladnaj pierakanaŭčaści mocy jaho kniažaj ułady dla miascovych paddanych jaho Homielskaha starostva — niadaŭna nabytaha ŭ vialikaha charužaha VKŁ i rečyckaha starasty Žyhmunta Adama Słuški? Hučyć, kaniešnie, trochi absurdna, ale kali ž, usio-tki, dapuścić, što heta było praŭdaj, to tady stanovicca absalutna zrazumiełym, adkul ža ŭ draŭlanaj (i nie tolki) architektury Homiela i navakollaŭ tak pašyryŭsia matyŭ cmoka… Nie vierycie? Dyk hladzicie fotazdymki! Možna było b dabavić jašče fota z Dobruša, Rečycy, Vasilevič, ale abmiažujemsia pokul tolki dvuma z Homiela», — napisaŭ historyk.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary