Zialenski: Padzieńnie viertalota ŭ Bravarach — heta nie prosta «niaščasny vypadak»
Prezident Ukrainy Uładzimir Zialenski, vystupajučy siońnia na Suśvietnym ekanamičnym forumie ŭ Davosie, zakranuŭ siarod inšaha situacyju ź siońniašnim padzieńniem ukrainskaha viertalota ŭ Bravarach pad Kijevam.
«Vy nazvali heta «niaščasnym vypadkam». Ja liču, što z-za taho vopytu vajny, jaki jość siońnia ŭ mianie i ŭ našaha hramadstva — heta nie niaščasny vypadak, heta vajna. Vajna nie tolki na poli boju.
U vajny jość niekalki kirunkaŭ. Niama bolš niaščasnych vypadkaŭ, usio heta zychod vajny. Absalutna. Usie hetyja kroki, usio, što adbyvajecca», — adznačyŭ ukrainski prezident.
Rakiety, jakija bjuć pa našych ludziach, pa cyvilnym nasielnictvie… Toje, što adbyvajecca, kali hinuć dzieci ŭ sadach, škołach. Niechta moža raspaŭsiudžvać infarmacyju, što «my celili nie ŭ cyvilnaje nasielnictva, a my chacieli sami pa enierhietyčnaj infrastruktury Ukrainy ŭdaryć, ale tak atrymałasia», ci jašče niešta.
Heta prosta lišnija słovy. Usio heta: kožny čałaviek i kožnaja śmierć — heta vynik vajny».
Viertalot ukrainskaj Dziaržaŭnaj słužby nadzvyčajnych situacyj z kiraŭnictvam MUS Ukrainy na borcie ŭpaŭ na budynak dziciačaha sada ŭ Bravarach Kijeŭskaj vobłaści siońnia ranicaj. Achviarami stali 14 čałaviek, siarod ich adno dzicia. Jašče 25 čałaviek, u tym liku 11 dziaciej, atrymali traŭmy. Siarod zahinułych — ministr unutranych spraŭ Ukrainy Dzianis Manastyrski i jaho pieršy namieśnik Jaŭhien Jenin.
Čytajcie taksama:
Pieršy, chto paviedamiŭ Zialenskamu pra rasijskaje ŭvarvańnie. Što viadoma pra ministra ŭnutranych spraŭ Ukrainy, jaki raźbiŭsia na viertalocie pad Kijevam
SBU nazvała try viersii avijakatastrofy ŭ Bravarach
Vychavacielka dziciačaha sadka pad Kijevam: Usie prylehli, potym evakujavalisia
Pad Kijevam viertalot upaŭ na dziciačy sadok. Zahinuła kiraŭnictva Ministerstva ŭnutranych spraŭ
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej20
Kamientary