Źjavilisia cikavyja padrabiaznaści siamiejnaha žyćcia biełaha i čornaha busłoŭ u Hiermanii. Ichnija dzieci — «šeryja»
Niadaŭna źjaviłasia infarmacyja, što ŭ Hiermanii supolnaje hniazdo zaviali samiec biełaha busła i samka čornaha. Heta ŭ pryrodzie praktyčna vyklučny vypadak. A ciapier źjavilisia i padrabiaznaści siamiejnaha žyćcia hetaj pary. Praz toje, što ekałohija dvuch vidaŭ istotna adroźnivajecca, ptuški na hniaździe pavodziacca pa-roznamu, piša telehram-kanał «Dzikaja pryroda pobač».
Samka čornaha busła vysłała hniazdo mocham, a bieły busieł vykinuŭ jaho i zamiest mochu pakłaŭ sałomu.
Ptušaniat baćki kormiać taksama pa-roznamu: bieły busieł prynosić myšej i nasiakomych, a čorny busieł łović rybu.
U pary vyłupiłasia dvoje ptušaniat — jany spačatku byli biełyja, a hałava šeraja. Ale afarboŭka ptušak pakrysie mianiajecca.
Arnitołahi ich užo akalcavali. Čakajecca, što buślaniaty palaciać prykładna praz tydzień.
Dziakujučy svajoj niezvyčajnaj afarboŭcy, dva «šeryja busły» buduć pryciahvać uvahu ptuškaroŭ, što dazvolić sačyć za ich dalejšym losam.
Pary čornaha i biełaha busłoŭ — redkaja źjava. Takoje byvaje ŭ zaaparkach, dzie niama vybaru partnioraŭ. Ale hety vypadak, mahčyma, pieršy zafiksavany ŭ śviecie, jaki zdaryŭsia ŭ dzikaj pryrodzie.
Čytajcie taksama:
U Łatvii zabojcu busłoŭ aštrafavali na 15 tysiač jeŭra
U Kalinkavickim rajonie para busłoŭ zdoleła vykarmić ažno šeść ptušaniat. Heta redkaść
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary