Zavod u Padmaskoŭi, dzie siońnia prahrymieŭ vybuch, udzielničaŭ u raspracoŭcy novaha samalota-bambavika — «Ahientstvo»
«Zahorski optyka-miechaničny zavod» u padmaskoŭnym Sierhijevym Pasadzie, na jakim 9 žniŭnia prahrymieŭ vybuch, udzielničaŭ u raspracoŭcy rasiejskaha «stełs»-bambavika novaha pakaleńnia, paviedamiła rasiejskaje vydańnie «Ahientstvo».
«Jak śviedčyć sajt dziaržzakupak, pradpryjemstva nie prosta praciahvaje pastaŭlać optyku rasiejskim siłavikam, ale i z 2019 hoda ŭdzielničaje ŭ raspracoŭcy rasiejskaha stratehičnaha bambavika-rakietanosca novaha pakaleńnia «Pasłańnik», — paviedamlaje «Ahientstvo».
Dziaržkantrakty zavoda pierastali publikavacca amal adrazu paśla pačatku poŭnamaštabnaha ŭvarvańnia RF va Ukrainu — z sakavika 2022 hoda, ale zaklučanyja raniej kantrakty ŭsio jašče dastupnyja. Siarod ich jość i «vykanańnie sastaŭnoj častki dośledna-kanstruktarskaj raboty pa temie šyfr: «Posłańnik-1OJeP/Ł».
Termin vykanańnia hetaha kantrakta — 2027 hod, košt rabot — 69 miljonaŭ rubloŭ. Paviedamlajecca, što zakazčyk rabot − Nacyjanalny daśledčy instytut «Ekran» (Samara), jaki zajmajecca, u pryvatnaści, raspracoŭkaj abstalavańnia dla vajskovaj avijacyi. Hałoŭny vykanaŭca prajekta — kampanija «Tupolev», dziaržzakazčyk − Minabarony Rasiei.
U kantrakcie paznačana, što sačyć za rabotami pavinny vajskovyja pradstaŭnictvy Minabarony RF №1205 (Sierhijeŭ Pasad) i №684 (Samara), jakija adkazvajuć za kantrol jakaści i pryjomku pradukcyi dla viedamstva.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
Aptyčny zavod. Da babki nie chadzi, vidavočna, što efiekt linzy!