Alpinist u Novaj Ziełandyi pralacieŭ 600 mietraŭ, ale atrymaŭ tolki nievialikija traŭmy
Taranaki — heta patuchły vułkan, raźmieščany na zachodnim uźbiarežžy Paŭnočnaha vostrava, adnaho z dvuch hałoŭnych astravoŭ Novaj Ziełandyi.
Alpinist, jaki ŭpaŭ z hary Taranaki ŭ Novaj Ziełandyi i pralacieŭ uniz pa schile kala 600 mietraŭ, atrymaŭ tolki niaznačnyja traŭmy, piša Bi-bi-si.
Pa danych miascovaj palicyi, cudoŭnamu vyratavańniu spryjała toje, što viasnoj (u Paŭdniovym paŭšarji ciapier mienavita heta para hoda) śnieh na schiłach hary padtaŭ i źmiakčyŭ padzieńnie, ale ŭsio roŭna alpinistu nadzvyčaj pašancavała zastacca žyvym.
Hety alpinist padniaŭsia na viaršyniu hary Taranaki, a heta patuchły vułkan, u składzie hrupy ŭ subotu, 9 vieraśnia, kala 12:00 pa miascovym časie. Jon paśliznuŭsia, pakaciŭsia ŭniz i nieŭzabavie źnik z vačej.
Adzin z tavaryšaŭ pa hrupie, jaki zaŭvažyŭ padzieńnie, pačaŭ spuskacca ŭniz, kab pasprabavać dapamahčy.
U toj ža dzień uzychodžańnie na haru ździajśniaŭ adzin ź miascovych hornych ratavalnikaŭ, jaki taksama dałučyŭsia da pošukaŭ.
Pa danych Rady biaśpieki hornaha turyzmu Novaj Ziełandyi, hara Taranaki ličycca adnoj z samych niebiaśpiečnych u krainie.
U 2021 hodzie z toj ža viaršyni ŭpała dvoje alpinistaŭ, jakija, na žal, zahinuli.
Taranaki — heta patuchły vułkan, raźmieščany na zachodnim uźbiarežžy Paŭnočnaha vostrava, adnaho z dvuch hałoŭnych astravoŭ Novaj Ziełandyi.
«Jaho adasoblenaść ad inšych hor, blizkaść da ŭźbiarežža i hieahrafičnaje raźmiaščeńnie abumoŭlivajuć surovyja ŭmovy nadvorja ŭ Novaj Ziełandyi, — paviedamlajuć ułady Novaj Ziełandyi. — Nadvorje razam sa składanym łandšaftam stvarajuć unikalnyja ŭmovy, u jakich samaja maleńkaja pamyłka moža pryvieści da trahiedyi».
Ale byvajuć i ščaślivyja vyklučeńni, i ciapierašni vypadak — nie pieršy.
U 2011 hodzie Adam Poter zvaliŭsia ŭ Šatłandyi z 300-mietrovaj vyšyni, pieralacieŭ praz try trochi mienšyja piki i, kali pryziamliŭsia, zmoh samastojna padniacca na nohi.
Pašancavała i alpinistu, jaki ŭpaŭ z kanadskaj hary Lefroj. Jon pralacieŭ pa schile kala 400 mietraŭ i taksama zastaŭsia žyvy.
Kamientary