«Vyhladali zdarovymi». U «Miadźviežynie» vysiekli cełuju dzialanku dreŭ, miascovyja nie razumiejuć čamu
Čytačka Onliner zaŭvažyła, što ŭ jaje lubimym lesaparku «Miadźviežyna» źnikła cełaja dzialanka, jak jana ličyć, absalutna zdarovych dreŭ.
— Ja žyvu na vulicy Łabanka. Na vychodnych my razam ź siamiejstvam lubim prahulacca pa lesie: jość u nas dzikaja častka (praz darohu ad doma №95 na vulicy Hareckaha), jakaja płaŭna pierachodzić u akulturanuju — «Miadźviežyna». Lublu hetaje miesca ź dziacinstva: jano dazvalaje akunucca ŭ inšuju realnaść, prajścisia pa malaŭničych darožkach, udychnuć vodary jełak, palubavacca piejzažami, pakarmić ptušak i vaviorak. Tak što pry kupli kvatery ličyła susiedstva ź lesam vielizarnym plusam, — raspaviała čytačka.
Dy i nie adna jana: u «Miadźviežyna» hulajuć mnohija miascovyja. Ale raptam hetuju idyliju parušyła niečakanaje: na toj samaj dzikaj terytoryi niechta vysiek cełuju dzialanku.
— Tak, pieryjadyčna takim čynam pazbaŭlajucca ad drennych dreŭ, za što dziakuj. Ale tut nie taja situacyja: na ziamli lažać zdarovyja na vyhlad stvały, na jakich navat zamierany dyjamietry. Hałoŭnaje pytańnie — što naohuł adbyvajecca? U čym meta dadzienaha mierapryjemstva? — nie chavaje abureńnia minčanka.
Pa kamientar žurnalisty źviarnulisia ŭ Minskuju lesaparkavuju haspadarku. Voś što raskazaŭ jaho hałoŭny laśničy Dźmitryj Kasač:
— U nas zapłanavany try sucelnyja sanitarnyja vysiečki na ŭčastkach 0,2, 0,3, 0,4 ha. Takim čynam my pazbaŭlajemsia ad zahinułych raślin, paškodžanych stvałavymi škodnikami — karajedami-typohrafami. Akramia hetaha, my praviadziom u lesaparku i vybaračnuju vysiečku adzinkavych usochłych dreŭ — pa 5-10 štuk.
— Ludzi śćviardžajuć, što nasadžeńni vyhladali zdarovymi…
— Heta nie tak. Jełka moža stajać ź zialonaj łapaj, ale kara ŭ jaje ŭžo pačynaje vysychać i advalvacca. Takaja raślina ličycca zahinułaj. My vyjazdžali ŭ «Miadźviežyna» razam sa staršynioj Minskaha haradskoha kamiteta pryrodnych resursaŭ i achovy navakolnaha asiarodździa, kab jon pierakanaŭsia ŭ tym, što drevy sapraŭdy majuć paškodžańni.
Hałoŭny laśničy zapeŭniŭ, što viasnoj na miescy vysiečak vysadziać novyja piacihadovyja jełki. Zvyčajna vykarystoŭvajucca dvuchhadovyja, ale, bo płyń ludziej u «Miadźviežyna» surjoznaja, takija małyja mohuć zataptać.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha37
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu137137
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu137
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary