«Dvajnik Pucina — heta ciaślar Jaŭhien Vasiljevič ź Biełarusi». Što?
«Hienierał SVR» Valeryj Sałaviej, jaki raniej prydumaŭ historyju pra Pucina ŭ chaładzilniku, vystupiŭ z novaj teoryjaj.
Rasijski palitołah Valeryj Sałaviej padzialiŭsia novymi viersijami datyčna dvajnikoŭ Uładzimira Pucina.
Jon zajaviŭ, što na niadaŭnim navahodnim zvarocie Pucina byŭ zusim nie Pucin, a Jaŭhien Vasiljevič, ciaślar ź Biełarusi.
«Čamu navahodniaje vinšavańnie Pucina było takim karotkim? A dla taho, kab vy nie pryhladalisia da źniešnaści i nie prysłuchoŭvalisia da hołasu taho čałavieka, jaki vystupaŭ zamiest Pucina.
Imia hetaha dvajnika Pucina — Jaŭhien Vasiljevič, jon rodam ź Biełarusi. Tak, rodam ź Biełarusi, Jaŭhien Vasiljevič, ciaślar 4-ha razradu. Čystaja praŭda», — zapeŭnivaje biez sarkazmu Valeryj Sałaviej u svaim jutub-kanale.
Svaje śćvierdžańni palitołah supravadziŭ paraŭnalnym videa dvuch navahodnich vinšavańniaŭ Pucina za 2022 i 2024 hod. Sałaviej zajaviŭ, što paśla ich prahladu «jamu napisała šmat ludziej i pryznała, što toj całkam maje racyju».
Proźvišča Jaŭhiena Vasiljeviča palitołah pry hetym nie nazvaŭ.
U dadatak da hetaha Sałaviej zajaviŭ, što jašče ŭ kancy kastryčnika «rasijskija elity i hrupoŭki» damovilisia, što na vybary prezidenta Rasii pad vyhladam Pucina pojdzie mienavita biełaruski ciaślar Jaŭhien Vasiljevič.
Paśla pieramohi jon, pavodle Sałaŭja, sfarmuje novy kabiniet ministraŭ na čale z sakratarom Rady biaśpieki Rasii Mikałajem Patrušavym, a zatym całkam pieradaść uładu jamu i raspuścić uvieś kabiniet da kanca 2024 hoda.
Valeryj Sałaviej viadomy svaimi kanśpirałahičnymi teoryjami. Nahadajem, što ŭ kancy kastryčnika jon zapuściŭ čutku pra śmierć Pucina. Jon paviedamiŭ, što kiraŭnik Rasii pamior, jaho cieła lažyć u chaładzilniku, ale pra śmierć prezidenta Rasii budzie paviedamlena paźniej.
Potym Sałaviej pryznaŭ, što prydumaŭ hetuju historyju, kab «dać akno mahčymaściaŭ rasijskaj apazicyi dla pieramien i napirać na fakt nielehitymnaści vybaraŭ dvajnika ŭ sakaviku 2024 hoda».
«Naša Niva» — bastyjon biełaruščyny
PADTRYMAĆ
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary