Dziasiatki paštamataŭ «Biełpošty», jakija byli ŭstalavanyja pa ŭsioj krainie, nie karystajucca popytam, u suviazi z čym biełaruski paštovy apieratar vyrašyŭ prypynić dalejšaje raźvićcio hetaj inicyjatyvy.
Jak raspaviała ahienctvu «Sputnik Biełaruś» hiendyrektar «Biełpošty» Śviatłana Jurkievič, u Biełarusi funkcyjanujuć 40 paštamataŭ, pryčym bolš za ŭsio jany aktualnyja dla hramadzian, jakija zakazvajuć pasyłki z-za miažy. Pavodle jaje słoŭ, ciapier u suviazi ź nizkaj zapatrabavanaściu prajekt płanujecca prypynić.
«Na ŭnutranym rynku jany nie mocna zapatrabavanyja. My razhladajem niejkaje inšaje rašeńnie, jakoje budzie praściej. Hety prajekt my pastavim na paŭzu», — zajaviła Jurkievič.
Kiraŭnik «Biełpošty» adznačyła, što pa pieršapačatkovaj zadumie paštamaty pavinny byli spryjać skaračeńniu čerhaŭ pry atrymańni pasyłak z zamiežža, adnak na ciapierašni momant hety patok surjozna źniziŭsia. Usiaho ŭ miesiac biełarusam dastaŭlajuć kala 600 tys. mižnarodnych pasyłak — častka ź ich sychodzić u paštamaty.
Paštamaty «Biełpošty» jość va ŭsich abłasnych haradach, a taksama ŭ Oršy, Lidzie, Barysavie, Babrujsku i inšych rajonnych centrach.
Kamientary
eto kak-to niečiestno