Paviedamleńnie pra śmierć 78-hadovaha piśmieńnika i jurysta Poła Alaksandera źjaviłasia na jahonaj staroncy na płatformie dla zboru achviaravańniaŭ GoFundMe.
Poła Alaksander nazyvali «čałaviekam u žaleznym lohkim». Z-za polijamijelitu jon amal usio žyćcio pravioŭ u barakamiery
«Poł Alaksander, «čałaviek u žaleznym lohkim», pamior učora. Pierachvareŭšy na polijamijelit u dziacinstvie, jon pražyŭ bolš za 70 hadoŭ u «žaleznym lohkim». U hety čas Poł pastupiŭ u kaledž, staŭ jurystam i piśmieńnikam. Jahonaja historyja, pra jakuju viedali ŭsie, akazvała stanoŭčy ŭpłyŭ na ludziej va ŭsim śviecie. Poł byŭ nievierahodnym prykładam dla pierajmańnia, pra jaki buduć pamiatać i dalej», — napisaŭ arhanizatar zboru achviaravańniaŭ na jahonuju karyść Krystafier Ułmier.
Poł Alaksander zachvareŭ na polijamijelit u 1952 hodzie, kali jamu było šeść hadoŭ. Jon byŭ paralizavany i amal uvieś čas pravodziŭ u aparacie «žaleznaje lohkaje». Pakidać kamieru jon moh tolki na niekalki hadzin u dzień. Ale apošnim časam jon užo nie moh hetaha rabić.
U 2020 hodzie vyjšła aŭtabijahrafija Alaksandera pad nazvaj «Try chviliny dziela sabaki. Historyja čałavieka, jaki žyvie ŭ žaleznym lohkim».
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać32
Kamientary