Ab niedarahim ale efiektyŭnym sposabie vyjaŭleńnia dronaŭ, jaki prydumali ŭkrainskija śpiecyjalisty, raspavioŭ hałoŭnakamandujučy VPS ZŠA ŭ Jeŭropie hienierał Džejms Chiekier.
Hałoŭnakamandujučy VPS ZŠA ŭ Jeŭropie hienierał Džejms Chiekier (James Hecker) u lutym vystupiŭ na simpoziumie Asacyjacyi pavietrana-kaśmičnych siłaŭ ZŠA (AFA Warfare Symposium). U hetym hodzie jaho temaj była «Padrychtoŭka da kanfliktu ź vialikimi dziaržavami».
Častku jaho vystupleńnia pryvodzić The Wall Street Journal. U im hienierał raskazvaje pra efiektyŭny i niedarahi sposab vyjaŭleńnia «Šachiedaŭ», jaki vykarystoŭvaje Ukraina. Padčas palotu hetyja bieśpiłotniki vydajuć vielmi hučnyja huki, za što i atrymali mianušku «mapiedy». Ukrainskija vajskoŭcy paśpiachova hetym karystajucca, kab svoječasova vyjaŭlać pahrozy.
«Kali bieśpiłotniki nabližajucca na vyšyni 100 futaŭ (kala 30 mietraŭ — «NN»), vy ich nie zaŭvažycie z dapamohaj zvyčajnych radaraŭ. Ukrainie pryjšłosia impravizavać, kab adsočvać takija abjekty. Jany ŭziali 8000 sotavych telefonaŭ i ŭstalavali ich na 6-futavych słupach pa ŭsioj krainie. A pobač prymacavali mikrafon, kab asočvać napramak dronaŭ, jakija pralatajuć», — raspavioŭ Chiekier.
Amierykanski hienierał kaža, što kožnaja dynamičnaja stancyja kaštavała ŭkraincam kala 500 dołaraŭ. Infarmacyja sa stancyj dapamahaje vyznačyć miescaznachodžańnie, chutkaść i vyšyniu palotu «Šachieda».
Pa słovach Chiekiera, sistema adsočvaje nie tolki bieśpiłotniki. Jana zdolnaja chutka pieradavać danyja mabilnym zienitnym hrupam, jakija palujuć na šachiedy padčas ich napadu. Navučyć sistemnaha apieratara možna za šeść hadzin: jon hladzić na płanšet, ekran jakoha pakazvaje kirunak ruchu BPŁA.
«Na dniach u ich było 84 takija bieśpiłotniki (simpozium adbyŭsia 12-14 lutaha 2024 hoda — NN). Jany ich usie adsačyli i źbili 80», — raspavioŭ Chiekier i adznačyŭ, što takija sistemy našmat lepš spraŭlajucca ź bieśpiłotnikami, čym darahija rakiety «Petryjot» i SM-2.
Vopyt Ukrainy ŭ baraćbie ź bieśpiłotnikami vielmi kaštoŭny va ŭmovach rostu vykarystańnia dronaŭ-kamikadze iranskimi hrupoŭkami, uklučajučy chusitaŭ u Jemienie, suprać siłaŭ ZŠA.
Hienierał raskazaŭ, što amierykanskija vajskoŭcy pravodziać vyprabavańni ŭkrainskaj akustyčnaj sistemy ŭ jakaści dadatkovaha srodku manitorynhu i baraćby z bieśpiłotnikami. Meta zaklučajecca ŭ pošuku rašeńnia, jakoje dazvolić źbivać tannyja drony biez vykarystańnia darahich rakiet, što źnizić vydatki na abaronu.
«Ja ŭparta pracuju z pramysłovaściu, kab <…> prydumać rašeńnie, jakoje pastavić nas na pravilny bok kryvoj vydatkaŭ. Takim čynam, my nie biarem rakietu koštam 700 000 dalaraŭ i nie źbivajem bieśpiłotnik koštam 5 000 dalaraŭ», — adznačyŭ hienierał Chiekier.
Čytajcie jašče:
Uviečary i nočču byli źbityja 33 z 37 «šachiedaŭ» — USU
Sajuźniki źbirajucca pieradać Ukrainie tysiačy dronaŭ sa štučnym intelektam
Ukrainskaja sistema spufinhu «Pakrovy» źbivaje z pantałyku «Šachiedy» — Forbes
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha5
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu9595
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu95
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary