Stała viadoma, za što aryštavali hałoŭnaha kadravika Minabarony Rasii
Juryj Kuźniacoŭ uziaŭ adkat domam.
Učora stała viadoma pra zatrymańnie načalnika hałoŭnaha ŭpraŭleńnia kadraŭ Minabarony RF Juryja Kuźniacova. Vydańnie «Kamiersant» raskazała, u čym jaho vinavaciać.
Kuźniacova vinavaciać u atrymańni ŭ 2021-2023 hadach chabaru na sumu bolšuju za $330 tysiač ad pradprymalnika z Krasnadara za dapamohu ŭ zaklučeńni dziaržaŭnych kantraktaŭ na akazańnie haściničnych pasłuh. Pa viersii śledstva, hety biznesmien kupiŭ i aformiŭ na žonku vajskoŭca ziamlu ŭ Krasnadary i pabudavaŭ na joj dom płoščaj zvyš 1 tysiačy kvadratnych mietraŭ.
Spravaj Kuźniacova zajmajecca toje ž padraździaleńnie Śledčaha kamiteta Rasii, jakoje rasśleduje spravu namieśnika ministra Cimura Ivanova. Paviedamlajecca, što ich spravy nie źviazanyja, ale ŭ SKR farmirujuć śpiecyjalnuju bryhadu pa rasśledavańni karupcyi siarod vysokapastaŭlenych vajskoŭcaŭ.
Pa źviestkach «Kamiersanta», hałoŭny vajskovy kadravik Rasii svaju vinu ŭ karupcyi nie pryznaŭ. Śledstva i FSB tym časam praviarajuć jaho na datyčnaść da ździajśnieńnia inšych złačynstvaŭ karupcyjnaj skiravanaści i rychtujucca da novych rasśledavańniaŭ suprać bujnych vajskovych słužboŭcaŭ.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary
Ciapier pucin jamu pomścić.