Mižnarodny muzyčny fiestyval «Be2gether‑2010» projdzie z 25 pa 27 červienia la litoŭskaha zamka XVI st Narviliški,
što za 150 km ad Minska i za 100 m ad biełaruska‑litoŭskaj miažy.
Jak i ŭ minułyja hady, na scenach «Be2gether» vystupiać vykanaŭcy z roznych kutkoŭ śvietu, u tym liku niekalki pradstaŭnikoŭ Litvy i Biełarusi. U minułyja hady chedłajnierami mierapryjemstvy byli Morcheeba, Bloodhound Gang, Therapy, Tricky, Groove Armada, Gogol Bordello, Clawfinger. Biełaruś na fiestyvali pradstaŭlali «Lapis Trubiacki», NRM, Drum Ecstasy, IQ48, The Toobes.
Pryblizny śpis udzielnikaŭ hetaha hoda budzie viadomy ŭ sakaviku.
Bilety na fiestyval pavinny pastupić u prodaž u Biełarusi ŭ najbližejšyja tydni. Tradycyjna cana na ich budzie raści pa miery nabližeńnia mierapryjemstva —
ad pačatkovych 150 tys. (kolkaść abmiežavana) da 350 tys. u apošni tydzień prodažaŭ.
Mižnarodny fiestyval «Be2gether» źjaŭlajecca najbujniejšym fiestyvalem muzyki i mastactva na terytoryi Bałtyjskich krain i projdzie ŭžo čaćviorty raz.
Na praciahu troch dzion na jaho scenach vystupiać vykanaŭcy i hrupy roznych napramkaŭ muzyki ź blizkaha i dalokaha zamiežža.
Kamientary