Sukienki za 135 rubloŭ, futbołki — za 120. U Minsku adkryłasia novaja krama biełaruskich dyzajnieraŭ
20 śniežnia ŭ handlovym centry «Červienski» zapracavała novaja fashion-prastora The Brand, dzie maładyja biełaruskija dyzajniery zmohuć pradstavić svaje kalekcyi. U hetym prajekcie abjadnany pracy jak madeljeraŭ-pačatkoŭcaŭ, tak i tych, chto ŭžo viadomy, piša «Anłajnier».
U novaj prastory pradstaŭleny 20 brendaŭ, siarod jakich — Davidova, Aya, SoulStyle, JuNi Brand i inšyja. Asablivaja ŭvaha nadadziena dyzajnieram z rehijonaŭ, čyje kalekcyi redka dachodziać da staličnych pakupnikoŭ.
Afarmleńnie kramy nahadvaje halereju: minimalistyčny interjer z asobnymi zonami dla kožnaha brenda. Krama vyłučajecca prastornymi prymieračnymi, adaptavanymi dla ludziej z abmiežavanymi mahčymaściami, razmalavanymi ŭručnuju maniekienami, jakija sami pa sabie pryciahvajuć uvahu, i aryhinalnymi viešałkami-dekoram kala prymieračnych, kudy možna paviesić rečy, što nie pasujuć.
Da kanca śniežnia ŭ The Brand abiacajuć adkryć łaunž-zonu z kanapami i stolikami. U płanach — praviadzieńnie lekcyj i majstar-kłasaŭ dla ŭsich, chto cikavicca modaj i dyzajnam.
U kramie možna znajści jak dziciačaje adzieńnie (naprykład, kambiniezony za 116 rubloŭ), tak i žanočyja kalekcyi: vadałazka — 240 rubloŭ, sukienki — 135 rubloŭ, futbołki — 120 rubloŭ.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary