Pierakładčyku «Kalevały» na biełaruskuju i addanamu aŭtaru «Našaj Nivy» było 80 hadoŭ.
Jakub Łapatka, pierakładčyk na biełaruskuju ź finskaj, ispanskaj, anhlijskaj, francuzskaj, łacinskaj dy inšych movaŭ, pamior siońnia ŭ Chielsinki. Jamu było 80 hadoŭ.
Da samaj śmierci jon pracavaŭ nad biełaruskim pierakładam «Pieśni pra Sida» ź ispanskaj movy.
Novaje vydańnie jahonaha pierakładu «Kalevały» jakraz rychtujecca ŭ Minsku.
Jakub Łapatka byŭ z taho pakaleńnia, jakoje zachavała biełaruskaść va ŭmovach savieckaha paniavoleńnia, i praciahvaŭ słužyć biełaruskaj spravie navat u emihracyi. Jon raskazvaŭ biełarusam pra Finlandyju, jon retranślavaŭ dośvied finskaha naroda, jaki vystajaŭ i vytrymaŭ udar savieckich zachopnikaŭ.
Jakub Łapatka byŭ słaŭny i tym, što ŭ 1991 hodzie mienavita jon, tahačasny deputat Navapołackaha harsavieta, paśla parazy maskoŭskaha putču zajšoŭ u kabiniet pieršaha sakratara harkama KPB Aleha Zacharanki, paprasiŭ taho pakinuć pamiaškańnie i ŭłasnaručna apiačataŭ jaho.
Jakub Łapatka byŭ zaŭziatym karespandentam «Našaj Nivy». Jaho zachaplalna cikavyja dopisy pra Finlandyju, a taksama na moŭnyja i histaryčnyja temy vy znojdziecie tut nižej. Pieračytajcie ich: jamu tam heta budzie pryjemna.
Finskaja siaredniaja škoła: raskazvaje čałaviek, jaki praź jaje prajšoŭ
Chto kak chacit, tak i havaryt: finski prykład
Sakretnaja misija Manierhiejma: jak były raźviedčyk rasijskaha Hienštaba nie daŭ Rasii zachapić svaju radzimu
Čamu Stalin u 1940-m tamu ŭsio ž nie rašyŭsia zaniać Chielsinki
«U 1943-m pad Rasonami łatyšskija karniki spalili žyŭcom maju ciotku i stryječnuju siastru»
Historyja: Vialiki Nastaŭnik finskaha naroda
Finskaje i biełaruskaje dvuchmoŭi: u čym adroźnieńni
Isteryčnyja kryki ab «adsutnaści terminałohii» ŭ biełaruskaj movie — vynik vostraj razumovaj niedastatkovaści
Jak uładkavanaja finskaja sistema adukacyi i čamu jana nie zapracuje ŭ Biełarusi
Kamientary
P.S. Dziakuj za padborku tekstaŭ. Choć i padali jaje nienaležnym čynam.