Na hety raz u sudzie Minskaj vobłaści (vuł. Śvierdłava 3). U čaćvier, 11 sakavika, a 14 hadzinie ŭ Minsku adbudziecca razhlad kasacyjnaj skarhi na rašeńnie Vałožynskaha suda, pavodle jakoha kiraŭnička ivianieckaha Domu Polskaha, Taresa Sobal, pavinna vyzvalić pamiaškańnie.
Aktyvisty niepryznanaha ŭładami SPB na čale z Anžalikaj Borys płanujuć naviedać sudovaje pasiedžańnie. «My iznoŭ jedziem kab padtrymać Teresu Sobal i inšych palakaŭ ź Ivianca. Voś tolki ci dajedziem?» – napisaŭ u svaim błohu adzin ź lideraŭ arhanizacyi – Andrej Pačobut.
Praź piać dzion, 16-ha sakavika, u Vyšejšym Haspadarčym Sudzie zapłanavany razhlad kasacyjnaj skarhi firmy «Pałonika». U lutym firmu, jakuju ŭznačalvaje A.Borys, abvinavacili ŭ niapravilnym vykarystańni srodkaŭ, atrymanych ad polskaj arhanizacyi «Wspólnota Polska», jakaja zajmajecca dapamohaj suajčyńnikam va ŭsim śviecie. Razhlad sudovaj spravy zaniaŭ mienš za paŭhadziny. U vyniku «Pałoniku» aštrafavali na 71 miljon rubloŭ.
Nahadajem, što ŭ aŭtorak, 9-ha sakavika mieli adbycca pieršyja sustrečy supolnaj polska-biełaruskaj kamisii pa spravie SPB, stvoranaj pa damoŭlenaści MZS abiedźviuch krain. Adnak učora stała viadoma, što praca kamisii pieranosicca na nastupny tydzień.
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary