Časopis «PrajdziŚviet» i PEN-centr zasnavali premiju dla pierakładčykaŭ
U Biełarusi źjaviłasia novaja litaraturnaja premija. Časopis pierakładnoj litaratury «PrajdziŚviet» i biełaruskiPEN-centr abvieścili pra zasnavańnie pieršaj štohadovaj litaraturnaj premii dla biełaruskich pierakładčykaŭ — Premii časopisa «PrajdziŚviet».
Pierakładčykaŭ u Biełarusi ŭhanarujuć upieršyniu. Siarod pretendentaŭ na atrymańnie novaj litaraturnaj premii — Alhierd Bacharevič, Pavał Kaściukievič, Vasil Siomucha i Lavon Barščeŭski. Zasnavalniki premii časopisa «PrajdziŚviet» nazyvajuć siarod asnoŭnych metaŭ, jakija stavić premija, papularyzacyju biełaruskamoŭnaj litaratury i padvyšeńnie ŭzroŭniu pierakładu na biełaruskuju movu. Pa jakich kryterach buduć vyznačacca pieramožcy, tłumačyć siabra rady časopisa «PrajdziŚviet» Julija Cimafiejeva.
— Uznaharodžańnie pierakładčykaŭ budzie adbyvacca ŭ nas pa troch naminacyjach: proza, paezija i publikacyja ŭ «PrajdziŚviecie». A što da kryteryjaŭ, to heta adekvatnaść pierakładu, toje, jak pierakładčyk zdoleŭ pieradać sens i formu tvoru. Taksama ŭličvajecca i miłahučnaść movy pierakładu, jaki atrymaŭsia ŭ vyniku.
Abviaščeńnie piaciorki finalistaŭ u kožnaj naminacyi premii adbudziecca ŭ druhoj pałovie krasavika. A ŭhanaravańnie pieramožcy pavodle kančatkovaj narady žury projdzie ŭ kancy traŭnia i budzie prymierkavanaje da hadaviny časopisa pierakładnoj litaratury «PrajdziŚviet».
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary