Tramp rasčaravany svaimi daradcami z-za vynikaŭ uviadzieńnia pošlin
Pošlinnaja vajna prezidenta ZŠA Donalda Trampa ŭviała finansavyja rynki ŭ chaos.
Prybližany da jaho kansultant pa pytańniach handlu Piter Navara, jakoha Iłan Mask niadaŭna abazvaŭ «durniem» i «durniejšym za miech z cehłaj», budzie adsunuty na druhi płan — razam ź ministram handlu Hovardam Lutnikam, piša Bild.
Lutnik taksama ličycca architektaram pratekcyjanisckaj mytavaj palityki. Pra jaho panižeńnie ŭ ijerarchii Biełaha doma paviedamlaje Politico. Na pieršy ž płan vyjdzie ministr finansaŭ Skot Bieśsient, jakoha ličać davoli ŭraŭnavažanym čałaviekam.
Hetyja pierastanoŭki — jaŭny znak taho, što taryfnaja vajna pajšła nie pa płanie. Rynki, jakija handlujuć dziaržaŭnymi ablihacyjami ZŠA, uspychnuli čyrvonym koleram u siaredzinie tydnia, što ledź nie skončyłasia finansavaj katastrofaj.
Tramp byŭ vymušany adkłaści ŭviadzieńnie vielizarnych pošlin na impart z 75 krain na 90 dzion.
Vostraja baraćba praciahvajecca tolki z Kitajem, tavary jakoha ciapier abkładajucca ŭ ZŠA pošlinami ŭ 145%. Staršynia KNR Si Czińpin, u svaju čarhu, pavysiŭ taryfy na amierykanski impart da 125%.
«Kitaj nie baicca», — zajaviŭ Si.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
vsie kak v Biełarusi.. tolko masštab druhoj.