Pad Minskam źjavicca novaja daroha. Jaje košt aceńvajecca ŭ miljon dołaraŭ
Žyły kompleks «Zialonaja havań» i Kałodziščy (rajon vulicy Tankavaj) źviaža novaja daroha. Prajekt transpartnaj mahistrali praciahłaściu 3,5 km hatovy, zabudoŭščyk pačaŭ praceduru adviadzieńnia ziamiel. Ruch pa novaj darozie płanujuć puścić užo sioleta ŭvosień, piša Onliner.
Viadoma, što prajeznaja častka budzie mieć pa adnoj pałasie ŭ kožny bok. Budaŭnictva płanujuć pačać u bližejšy čas. Košt abjekta składzie kala 1 miljona dołaraŭ. Taksama atrymana papiaredniaje ŭzhadnieńnie na zapusk hramadskaha transpartu ŭ žyły kompleks.
— My razumiejem važnaść jak transpartnaj, tak i sacyjalnaj infrastruktury dla žycharoŭ «Zialonaj havani» i prytrymlivajemsia mety «zialony horad na pryrodzie», — adznačajuć u kampanii «A-100 Deviełapmient». — Heta aznačaje, što žychary nie pazbaŭlenyja zvykłaha haradskoha kamfortu. Vialikuju rolu maje stvareńnie transpartnaj infrastruktury «pad kluč»: my budujem hatovyja sučasnyja darohi, zručnyja kišeni dla hramadskaha transpartu, prypynki — usio heta ŭzvodzicca paralelna kompleksu.
Letaś u kastryčniku adkryŭsia novy ŭčastak padjaznoj darohi ad čyhunačnaha pierajezdu da centralnaj vulicy kompleksu. Heta dazvoliła skaracić šlach da kvartała i zapuścić maršrutnaje taksi ŭ «Zialonuju havań».
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha9
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100100
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary
Imavierna, była pabudavanaja vajskoŭcami ŭ časy isnavańnia palihona. Paśla rajon uziaŭ u ekspłuatacyju tolki paŭnočnuju častku, a hety ŭčastak pastupova razburaŭsia. Hublaŭ asfalt, zaraz heta hruntoŭka.
Tak što heta nie zusim budoŭla novaj darohi. Raschodaŭ usio ž mienš, kali paraŭnać z raschodami na całkam novaje budaŭnictva.
U navinach raniej pisali, što zabudoŭščyk zrobić ramont, zaraz jon i onliner kažuć užo pra novuju darohu. Miascovy ŚMI kolodischi info piša bolš ścipła "zaasfaltujuć".
I ŭčastak toj 3.1 km, nie 3.5, jak piša zabudoŭščyk.
Chacia pytańnie tut nie tolki da zabudoŭščyka. Horad daŭno, jašče ŭ 2010-ch źbiraŭsia budavać novy rajon na palihonie. Naviny pra śviežyja płany byli i ŭ 2025-m. Adnak pakul usiu infrastrukturu, jakaja pa zakonie za dziaržavaj, minimalna ciahnie kamiercyjny zabudoŭščyk.