Stała viadoma, kudy pajšła pracavać Mis Biełaruś — 2023 Eleanora Kačałoŭskaja
Pra toje, što zabrała pracoŭnuju knižku z Nacyjanalnaj škoły pryhažości, Eleanora Kačałoŭskaja raspaviała jašče ŭ žniŭni 2024 hoda. Ale tolki ciapier padzialiłasia, kudy ž jaje adniesła. Spojler: dziaŭčyna abrała standartny šlach dla štatnych pryhažuń.
U Nacyjanalnaj škole pryhažości Eleanora adpracavała bolš za piać hadoŭ. Kali jana ŭdzielničała ŭ «Mis Biełaruś 2023», arhanizatary paviedamlali, što dziaŭčyna pracaŭładkavana tam mieniedžarkaj.
U svoj apošni dzień tam Eleanora apisała situacyju tak:
«Pradkazvajučy niejkuju zacikaŭlenaść, uniasu jasnaść. Ja syšła z pracoŭnaha kantraktu (a jon užo pieravaliŭ za piać hadoŭ). Rašeńnie daŭniaje i abdumanaje. Ale maje suviazi sa škołaj pryhažości ni ŭ jakim razie nie spyniajucca. Na novy navučalny hod ja biaru vučniaŭ i nyraju ŭ vykładańnie X2. Usio ž pa dypłomie ja vykładčyca. Žyćcio biažyć, i treba biehčy razam ź im».
Ale ž na novaje miesca Eleanora Kačałoŭskaja adniesła pracoŭnuju knižku tolki niadaŭna. Ciapier jaje možna budzie pabačyć u efiry telekanała STB. Učora jana apublikavała ŭ storys fota sa svaich pieršych zdymkaŭ — Eleanoru zapisvali dla pieradačy «Plus-minus», u jakoj ahučvajuć prahnoz nadvorja.
Zdajecca, dziaŭčyna novym vopytam całkam zadavolenaja: «Siońnia, dy i apošnim časam, čuju i kažu sabie sama: «Dzie strašna, tam i rost». Tak i atrymałasia! Siońnia było sapraŭdy chvalujuča!»
Televizijnaja karjera — davoli standartny varyjant dla ŭdzielnic konkursaŭ «Mis Biełaruś». Naprykład, udzielnica «Mis Biełaruś — 2018» Anastasija Łaŭrynčuk zaraz taksama pracuje viadučaj na STB. A pieramožcy konkursu taho ž hoda Maryi Vasilevič letaś davieryli vieści «Kałychanku» na BT.
Kačałoŭskaja: Na «Mis Suśviet» ja zrazumieła, što takoje žanočaja žorstkaść. A ŭ prybiralniu nas vadzili achoŭniki
Mis Biełaruś Eleanora Kačałoŭskaja chvalicca adpačynkam u akupavanym Krymie FOTY
Biełaruska ŭpieršyniu pajedzie na konkurs pryhažości «Mis Suśviet». Ale nie taja, jakaja pieramahła ŭ nacyjanalnym adbory
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha31
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu130130
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu130
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary