Raśpisalisia jany ŭ 2021 hodzie ŭ ZŠA, paviedamlaje «Sudova-jurydyčnaja hazieta» Ukrainy.
Kijeŭski sud pryznaŭ, što pamiž mužčynami jość fakt pražyvańnia adnoj siamjoj — to-bok, najaŭnaści šlubnych adnosin. Havorka idzie pra pieršaha sakratara ambasady Ukrainy ŭ Izraili Zarana Kisia i ŭkrainskaha hramadskaha aktyvista Cimura Laŭčuka.
Adzin z mužčyn z 2024 hoda znachodzicca na dypłamatyčnaj słužbie za miažoj i sprabuje atrymać dazvoł na ŭźjadnańnie z partnioram, jaki ciapier znachodzicca va Ukrainie. Raniej im u hetym admaŭlali — Ukraina ličyła b kahości členam siamji tolki ŭ tym vypadku, kali heta sajuz mužčyny i žančyny.
Tamu mužčyny vyrašyli źviarnucca ŭ sud dla pryznańnia faktu najaŭnaści šlubnych adnosin pamiž imi.
Jany paviedamili sudu, što pražyvajuć adnoj siamjoj, jak hramadzianskija partniory, z 2013 hoda. Pry hetym u 2017 hodzie jany praviali hramadzianskuju cyrymoniju šlubu, a ŭžo ŭ 2021 hodzie zaklučyli šlub u ZŠA, pra što jość adpaviednaje paśviedčańnie ab šlubie amierykanskaha ŭzoru.
Pracedura dokazu faktu sumiesnaha pražyvańnia adnoj siamjoj akazałasia dosyć niaprostaj — u sudzie byli dapytanyja śviedki, jakija raspaviali, što mužčyny ŭžo daŭno pražyvajuć razam, viaduć sumiesny pobyt, razam kuplajuć rečy, ježu, nabyli aŭtamabil i naohuł źjaŭlajucca paŭnavartasnaj siamjoj.
Taksama ŭ sudzie daśledavalisia siamiejnyja fota mužčyn, fota z cyrymonii ich šlubu, kvitki na avijarejsy i padobnaje.
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary
P.S. U sensie: dobra, što niama kryminalnaj zabarony :))) A naohuł ... ničoha dobraha u takoj situacyi. Prabačcie.