U Budsłavie abviaścili zbor bujnoj sumy na praciah restaŭracyi kaścioła
Nacyjanalny sanktuaryj u Budsłavie vymušany praciahvać restaŭracyju bieź finansavańnia z boku dziaržavy, niahledziačy na toje, što pa inicyjatyvie uładaŭ jon byŭ abvieščany «duchoŭnym centram» katolikaŭ Biełarusi. 16 lutaha parafija raspaŭsiudziła zvarot ab tym, što «maje patrebu ŭ dapamozie», piša Katolik.life.
Sanktuaryj apublikavaŭ list probašča, adrasavany da ŭsich, chto moža zrabić achviaravańnie. U liście havorycca pra toje, što paśla pryznańnia budsłaŭskaha kaścioła «duchoŭnym centram» byŭ raspracavany płan mierapryjemstvaŭ na vykanańnie ramontna-restaŭracyjnych rabot. Tolki prajektnyja raboty abyducca ŭ sumu zvyš 1,4 miljona rubloŭ, inžyniernyja — amal u 190 tysiač rubloŭ, abśledavańnie kanstrukcyj — amal 72 tysiačy rubloŭ. I jašče zvyš 18 tysiač rubloŭ — pasłuhi pa łaziernym 3D-skanavańni.
U suviazi z hetym parafija prosić akazać lubuju sponsarskuju dapamohu. Takim čynam, ahulnaja suma, jakaja patrebna ŭžo ŭ najbližejšy čas (tolki na padrychtoŭčyja raboty), — amal 1,7 miljona rubloŭ, što pieravyšaje sumu ŭsich achviaravańniaŭ, jakija byli sabranyja dahetul paśla pažaru ŭ kaściole (1 miljon 446 tysiač rubloŭ).
Niadaŭna źjaŭlałasia infarmacyja, jak vierniki vymušanyja malicca ŭ budsłaŭskim kaściole ŭ choładzie, a śviatary (u tym liku biskup Alaksandr Jašeŭski) — słužyć Eŭcharystyju ŭ palčatkach. Novyja takija fotafakty možna ŭbačyć na zdymkach, jakija publikavaŭ na svajoj staroncy Viktar Viedzień.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary