Niekalki nieviadomych bieśpiłotnikaŭ upali na terytoryi Finlandyi. Dva ź ich vajskoŭcy zaŭvažyli ranicaj 29 sakavika — jany lacieli nad Bałtyjskim moram i na paŭdniovym uschodzie Finlandyi pavolna i na nizkich vyšyniach. Pavietranyja siły vykanali raźviedvalnuju misiju sa źniščalnikam F/A-18 Hornet.
Pavodle źviestak Minabarony Finlandyi, adzin bieśpiłotnik upaŭ na poŭnač ad horada Koŭvała, a druhi — na ŭschod ad jaho. Hety horad znachodzicca prykładna za 50 kiłamietraŭ ad miažy z Rasijaj, piša «Jeŭrapiejskaja praŭda».
Premjer-ministr Finlandyi Pietery Orpa zajaviŭ, što hetyja drony mahli być ukrainskimi. Jon patłumačyŭ, što Ukraina niadaŭna ažyćciaŭlała ataki na susiedni ź Finlandyjaj rasijski rehijon, a Rasija hłušyć sihnały dronaŭ.
«Heta parušeńnie terytoryi — vielmi surjoznaja sprava. Vierahodna, heta ŭkrainskija drony, ale hetaje pytańnie rasśledujecca, i pra heta budzie paviedamlena paźniej… My zrobim vysnovy z hetaha, kali poŭnaja karcina situacyi stanie zrazumiełaj», — pryvodzić jaho słovy Yle.
Jon dadaŭ, što Finlandyja nie źbivała drony, a jany ŭpali samastojna.
Paźniej u niadzielu znajšli jašče adzin bieśpiłotnik — jon upaŭ na marski lod u rajonie Miełsteninranta ŭ Espa.
-
Pamiatajecie historyju amierykanki, jakuju trymali ŭ komie paśla śmierci, kab nie spyniać ciažarnaść? Prajšoŭ hod: što ciapier ź dziciem
-
Prezident Balivii Radryha Pas abviaściŭ u krainie nadzvyčajnaje stanovišča
-
U Polščy hramadzianinu Hruzii vystaŭlenyja abvinavačańni ŭ zabojstvie mastaka Siamiona Skrapieckaha
Ciapier čytajuć
Achviary intehracyi. Rasija biaspłatnymi pucioŭkami i praz Rassupracoŭnictva zavablivaje biełaruskich dziaciej24
Kamientary