«Dziaŭčaty, heta realna pracuje!» Niaviesta Pratasieviča raskazała, jak pryvaražyła budučaha muža čyrvonymi trusami
Nastaśsia Łabazanava, jakaja źbirajecca dniami vyjści zamuž za viadučaha STB i byłoha redaktara kanała Nexta Ramana Pratasieviča, raskazała ŭ svaim tyktoku pra niezvyčajny rytuał, jak pryvaražyć kachanaha. Pahatoŭ zaraz poŭnia, i sistema pavinna dakładna spracavać.
«Uvohule ja rekamiendavała b rabić heta ciapier, bo zaraz poŭnia, i ŭvohule ŭ poŭniu ja raju ŭsim rabić niejkija rytuały: na pryciahnieńnie hrošaj, na pryciahnieńnie kachańnia», — raskazała jana.
Anastasija kaža, što dla pačatku treba paprasić kavalera zrabić padarunak:
«Uvaha, padarunak — heta čyrvonyja trusy. Dziaŭčaty, možacie śmiajacca kolki zaŭhodna, kolki chopić, ale heta sapraŭdy pracuje. Ja nie chaču tut vam tryndzieć abo padmanvać, ale heta sapraŭdy pracuje, bo na Novy hod ja paprasiła svajho chłopca, kab jon padaryŭ mnie čyrvonyja trusy, i praz dva miesiacy jon zrabiŭ mnie prapanovu ruki i serca. Voś tak», — padsumavała Łabazanava.
Nastaśsia — miedrabotnik i tarołah, pracavała ŭ elitnaj klinicy «Miersi». Da hetaha Raman dvojčy žaniŭsia z Marharytaj Hryckievič. Taja skončyła Minski miedycynski ŭniviersitet i niekatory čas pracavała pravizarkaj-receptarkaj u minskaj aptecy, a taksama rabiła raskłady na kartach taro.
Kamientary