«Kryzis va Ukrainie z hetaha pačaŭsia». Pucin u Astanie namiakaŭ na budučyja prablemy ŭ Armienii
U vypadku mahčymaha vychadu Armienii ź Jeŭrazijskaha ekanamičnaha sajuza (JEAES) i jaje pierachodu na standarty Jeŭrasajuza Maskva budzie vymušana zharnuć sumiesnuju ź Jerevanam pracu ŭ śfiery ekanomiki, jakaja tyčycca intehracyjnych pracesaŭ, zajaviŭ prezident Rasii Uładzimir Pucin na pres-kanfierencyi pa vynikach samitu JEAES u Astanie.
Pucin raskazaŭ pra razmovu z premjer-ministram Armienii Nikołam Pašynianam adnosna palityčnaha kursu krainy.
«Ja Nikołu Vavajeviču kazaŭ: «Usio, što dobra dla armian, prymalna i dobra dla Rasii. Rabicie tak, jak vy ličycie patrebnym zychodziačy ź intaresaŭ armianskaha naroda. Vy zaraz pry ŭładzie, na vas lažyć adkaznaść za pryniaćcie rašeńniaŭ. Jak vy skažacie — tak i budzie», — skazaŭ Pucin.
Maŭlaŭ, jakija b rašeńni Armienija ni pryniała pra dalejšaje znachodžańnie ŭ JEAES, heta nie sapsuje jaje humanitarnyja i palityčnyja suviazi z Rasijaj.
«Ale havorka ŭ hetym vypadku idzie pra čysta ekanamičnyja substancyi. Usio treba paličyć, uvažliva pahladzieć i pryniać rašeńnie. Ja ŭžo zhadvaŭ pra heta, kryzis va Ukrainie kaliści pačaŭsia sa sprob dałučeńnia da ES. My ž nie byli suprać», — namiaknuŭ na nastupstvy rasijski prezident.
Pry hetym jon adznačyŭ, što Maskva źviartała ŭvahu na roźnicu ŭ fitasanitarnych normach i techničnych narmatyvach u JEAES i Jeŭropie. Jak viadoma, nibyta nieadpaviednaść hetym normam šyroka praktykujecca Rasijaj pry praviadzieńni handlovych vojnaŭ ź niepakorlivymi susiedziami. U apošnija dni stała viadoma pra toje, što nibyta ŭvadnačas stali nie adpaviadać normam mnohija tradycyjnyja pradukty armianskaha ekspartu ŭ Rasii: kvietki, sadavina, viny, kańjak i inšaje.
Rasija choča adpravić 100 tysiač armian u Armieniju, kab jany prahałasavali na parłamienckich vybarach suprać Pašyniana
Pašynian anansavaŭ budaŭnictva tranzitnaha hazapravoda praz terytoryju Armienii
Tramp zajaviŭ ab poŭnaj i biezumoŭnaj padtrymcy Pašyniana na parłamienckich vybarach
«Armienija — heta ŭžo nie abrabavanaja vami i vašymi partniorami kraina». Pašynian rašuča adkazaŭ Łukašenku
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary