«Pieradajcie, što ŭ nas tak nie parkujucca». U sacsietkach aburanyja parkoŭkaj «Hielendvahiena» na błatnych numarach
U sacyjalnych sietkach vyklikaŭ rezanans učynak kiroŭcy pazadarožnika «Hielendvahien», jaki pryparkavaŭsia ŭ Minsku prosta na chodniku kala hanka «Akademknihi» la stancyi mietro «Akademija navuk».
«Pavažanyja kazachi, chto haściuje ŭ Minsku, pieradajcie, kali łaska, što ŭ nas tak nie parkujucca», — tak padpisała svajo fota karystalnica Threads ź nikam glitchofthegalaxy. Na zdymku — «Hielendvahien» z pryhožymi kazachstanskimi numarami, jaki pryparkavany prosta na tratuary.
Minčuki adznačajuć, što nikoli takoha nie bačyli, što vypadkova zajechać tudy niemahčyma: dla hetaha kiroŭcu daviałosia metanakiravana zbočyć z prajeznaj častki i pierasiačy chodnik prosta pa piešachodnym pierachodzie.
Pavodle słoŭ vidavočcaŭ, za rulom elitnaha pazadarožnika znachodziłasia žančyna, jakaja paśla prypynieńnia praciahnuła ruch dalej pa piešachodnaj zonie.
Publikacyja sabrała šmat abureńnia. Ale znajšłosia krychu miesca dla ironii.
Kamientatary žartavali, što kiroŭcy možna prabačyć, bo jana pryjechała pa knihi. «Pryjechali kupić knihu «Praviły znachodžańnia ŭ Minsku», — pažartavaŭ niechta. Niekatoryja vykazali zdahadku, što heta biblijatekarka pa abmienie vopytam.
Ciapier čytajuć
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?16
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary
Druhaja: " Oj, nu nie, u nas ža cyvilizavanyja ludzi, i ja ž nie horšy za inšych..."
Časam samyja cierpim praz ułasny taki voś pravilny vobraz.