Z 1 lipienia NZ na pracoŭnym miescy praz pjanstva buduć pryznavacca nievytvorčymi
U Biełarusi z 1 lipienia niaščasnyja vypadki na pracoŭnym miescy praz pjanstva buduć pryznavacca nievytvorčymi. Pra heta paviedamiŭ dyrektar departamienta dziaržaŭnaj inśpiekcyi pracy Ministerstva pracy i sacyjalnaj abarony Anatol Piatrovič Sadoŭničy
padčas online‑kanfierencyi «Nadzvyčajnaje zdareńnie na vytvorčaści: rasśledavańnie i pravy paciarpiełych», jakaja prachodzić siońnia adnačasova na sajtach BIEŁTA i Minpracy.
Sadoŭničy adznačyŭ, što pastanovaj Savieta Ministraŭ ad 19 krasavika 2010 h. №579 uniesieny źmianieńni i dapaŭnieńni ŭ Praviły rasśledavańnia i ŭliku niaščasnych vypadkaŭ na vytvorčaści i prafiesijnych zachvorvańniaŭ. Źmieny zakranuli jak terminałohiju, terminy praviadzieńnia rasśledavańnia, tak i niekatoryja padychody da samoha rasśledavańnia. U pryvatnaści, z 1 lipienia hetaha hoda (data ŭstupleńnia ŭ siłu pastanovy ŭrada) buduć pryznavacca nievytvorčymi niaščasnyja vypadki, jakija adbylisia pry abstavinach, kali adzinaj pryčynaj paškodžańnia zdaroŭja paciarpiełaha było jaho znachodžańnie ŭ stanie ałkaholnaha apjanieńnia abo ŭ stanie, vyklikanym užyvańniem narkatyčnych srodkaŭ, psichatropnych, taksičnych abo inšych adurmańvajučych rečyvaŭ, paćvierdžanym dakumientam, vydadzienych va ŭstanoŭlenym paradku arhanizacyjaj achovy zdaroŭja. Na siońniašni dzień takija niaščasnyja vypadki sa śmiarotnym zychodam pryznajucca vytvorčymi.
Istotnyja źmieny zakranuli taksama i niaščasnyja vypadki z rabotnikami, jakija nakiroŭvajucca ŭ słužbovyja kamandziroŭki, dadaŭ kiraŭnik departamienta dziaržinsmpiekcyi pracyju.
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Kamientary