U Biełarusi 20% dziaciej naradžajecca pa-za šlubam, u ES — 35%
U liderach — Estonija, u 2008 hodzie pa-za šlubam u hetaj bałtyjskaj krainie naradziłasia 59% dziaciej.
Kožnaje treciaje dzicia ŭ Eŭraźviazie naradžajecca pa-za šlubam. U liderach —Estonija, u 2008 hodzie pa-za šlubam u hetaj bałtyjskaj krainie naradziłasia 59% dziaciej, na druhim miescy — Švecyja — 54,7%, dalej iduć Słavienija i Francyja — bolš za 52%. Mienš za ŭsio pazašlubnych dziaciej naradziłasia ŭ Hrecyi — kala 6%. A siaredni pakaźnik pa Eŭropie, pavodle dadzienych Eŭrastatu, 35%.
Pavodle statystyki, u Biełarusi kožnaje piataje dzicia naradžajecca pa-za šlubam, paviedamiŭ supracoŭnik presavaj słužby Biełstatu: «Za 2009 hod było 20% ad usich narodžanych. U 2005 hodzie, dla paraŭnańnia, było 24,2%. U eŭrapiejcaŭ, ja tak razumieju, jość niejkija preferencyi, dla maciarok-adzinočak tam niejkija lhoty jość. Jość u ich sens. U nas, vidać, aŭčynka nia vartaja vyčynki».
Maci-adzinočka ŭ Biełarusi maje prava na nadbaŭku ŭ pamiery 75% da dapamohi da dasiahnieńnia dziciem paŭtara hadoŭ (atrymlivajecca kala 100 tysiač rubloŭ), a potym nadbaŭka skaračajecca da 40%.
Ciapier, darečy, nia stavicca pročyrk i ŭ paśviedčańni ab naradžeńni ŭ hrafie «baćka» — maci moža zapisać dzicia na svajo proźvišča ź lubym imiem i imiem pa baćku.
Žančyn, što naradzili pa-za šlubam, umoŭna možna padzialić na dźvie častki. Maładyja dziaŭčaty va ŭzroście da 20 hadoŭ, čaściakom niepaŭnaletnija, jakija vypadkova zaciažarali, i stałyja žančyny paśla tryccaci, jakija zrabili śviadomy vybar.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary