Pahodnyja dni babinaha leta na hetym tydni źmieniacca daždžami i pachaładańniem.
Pahodnyja dni babinaha leta na hetym tydni źmieniacca daždžami i pachaładańniem, paviedamiła hałoŭny sinoptyk Respublikanskaha hidramieteacentra Volha Fiadotava.
Užo siońnia cykłon, jaki kružyć kala zachodnich miežaŭ, prynios vobłačnaść i daždžy ŭ mnohija rajony krainy. U aŭtorak, 28 vieraśnia, pad upłyvam cykłonu čakajecca daždžlivaje nadvorje. Nočču i ranicaj miescami — tuman. Tempieratura pavietra ŭnačy składzie 7–13 hradusaŭ ciapła, dniom jana budzie vahacca ad 11 da 17 hradusaŭ ciapła.
U sieradu daždžy taksama projduć na bolšaj častcy terytoryi Biełarusi. Pry hetym źjavicca chałodny paŭnočna ŭschodni viecier. Tempieratura pavietra ŭ bolšaści rajonaŭ na praciahu sutak nie pieravysić plus 7–13 hradusaŭ. Tolki dniom u Homielskaj vobłaści pavietra prahrejecca da plus 15 hradusaŭ.
U druhoj pałovie tydnia pačnie nabirać siłu chałodny skandynaŭski antycykłon.
Zona apadkaŭ pastupova adcisnuła na paŭdniovyja rehijony. Tempieratura pavietra ŭnačy 30 vieraśnia składzie plus 3–9 hradusaŭ, a pa poŭnačy čakajecca ad nula da plus 2 hradusaŭ. Pry hetym u paŭnočnych rajonach na hlebie čakajucca zamarazki da minus 1–3 hradusaŭ.
Dzionnaja tempieratura pavietra ŭ čaćvier nie pieravysić plus 5 -11 hradusaŭ.
U piatnicu, 1 kastryčnika, daždžy čakajucca ŭ paŭdniovaj častcy Biełarusi. Načnaja tempieratura stanie jašče na paru hradusaŭ nižejšaj.
A dniompa-raniejšamu budzie nie vyšej za plus 5–11 hradusaŭ.
Pavodle papiarednich raźlikaŭ, u vychadnyja dni pad upłyvam skandynaŭskaha antycykłonu ŭ asnoŭnym budzie biez apadkaŭ.
Tolki na poŭdni Biełarusi mahčymyja nievialikija daždžy. U načnyja hadziny ŭ mnohich rajonach Biełarusi čakajucca zamarazki da nula — minus 5 hradusaŭ.
Tolki ŭ paŭdniovych rajonach miescami budzie plus 1–4 hradusy. Dniom tempieratura pavietra nie pieravysić 6–13 hradusaŭ ciapła.
Kamientary