9 śniežnia Centrvybarkam razhledzieŭ zajavy apazicyjnych palitykaŭ ab parušeńni kandydatam u prezidenty Alaksandram Łukašenkam vybarčaha zakanadaŭstva.
Zajavy pastupili ad kandydata ŭ prezidenty Uładzimira Niaklajeva, kaardynatara kampanii «Za spraviadlivyja vybary» Siarhieja Kalakina i člena Partyi BNF Haliny Siamdzianavaj.
U ich, u pryvatnaści, razmova idzie ab niezakonnaści narady, jakuju Łukašenka pravioŭ sa svaimi davieranymi asobami ŭ Administracyi prezidenta. Aŭtary zajaŭ ukazvajuć, što Vybarčy kodeks Biełarusi zabaraniaje vykarystoŭvać pamiaškańni, zajmanyja dziaržorhanami, dla ažyćciaŭleńnia dziejańniaŭ, jakija sadziejničajuć vyłučeńniu abo abrańniu kandydata, u vypadku kali inšyja kandydaty nie mohuć vykarystać hetaje pamiaškańnie anałahičnym čynam.
Aprača taho, Siamdzianava miarkuje, što Łukašenka parušyŭ vybarčaje zakanadaŭstva pry praviadzieńni Usiebiełaruskaha narodnaha schodu.
Jak zajaviŭ siońnia na pasiadžeńni Centrvybarkama člen CVK z pravam daradčaha hołasu, aktyvist Abjadnanaj hramadzianskaj partyi Siarhiej Alfier, sustreča z davieranymi asobami — heta vyklučna ahitacyjnaje mierapryjemstva.
Adnak namieśnik staršyni CVK Vadzim Ipataŭ padkreśliŭ, što ahitacyja padčas narady ŭ Administracyi prezidenta nie pravodziłasia, tamu i parušeńnia nie było.
U svaju čarhu kiraŭnik CVK Lidzija Jarmošyna zajaviła, što jana źjaŭlałasia delehatam Usiebiełaruskaha narodnaha schodu, ale jaje ŭdzieł u forumie nie tyčyŭsia vykanańnia słužbovych abaviazkaŭ.
«Nijakich mier reahavańnia da kandydata i jaho davieranych asob CVK pryniać nie moža, bo mierkavańni zajaŭnikaŭ hruntujucca na paviarchoŭnym pračytańni Vybarčaha kodeksa», — reziumavała Jarmošyna.
Členy CVK pryjšli da vysnovy, što kandydat Łukašenka nie vykarystoŭvaŭ pieravahi svajho słužbovaha stanovišča pry praviadzieńni sustrečy z davieranymi asobami i Usiebiełaruskaha narodnaha schodu i adnahałosna admovili ŭ zadavalnieńni zajaŭ apazicyjnych palitykaŭ.
Ciapier čytajuć
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie2
U Minsku zdajuć trochpakajoŭku ŭsiaho za $200, ułaśnik navat hatovy zamarozić staŭku na čatyry hady — pry adnoj umovie
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1212
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva12
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3232
Kamientary