Redakcyja atrymała adkaz na svajo chadajnictva.
Redakcyja «Našaj Nivy» atrymała z Upraŭleńnia KDB pa Minsku i Minskaj vobłaści adkaz na chadajnictva ŭ spravie viartańnia kampjutarnaj techniki.
U svaim chadajnictvie Redakcyja padkreślivała, što adsutnaść techniki, zabranaj padčas pieratrusaŭ ŭ redakcyi, a taksama doma ŭ hałoŭnaha redaktara haziety Andreja Skurko i ŭ fotakarespandenta «NN» Julii Daraškievič, stvaraje pieraškody ŭ prafiesijnaj dziejnaści supracoŭnikaŭ. «NN» źviartałasia z prapanovaj viarnuć chacia b tuju častku kampjutaraŭ, što bolej nie patrebnaja ŭ metach śledstva.
Kopii zvarotu byli dasłanyja ŭ Hienieralnuju prakuraturu i prakuraturu Minska. Adtul raniej pryjšli paviedamleńni, što listy pieraskiravanyja dla adkazu ŭ KDB.
U adkazie z Upraŭleńnia KDB pa Minsku i Minskaj vobłaści za podpisam v.a kiraŭnika pałkoŭnika Uładzimira Kałača paviedamlajecca, što «rečy buduć viernutyja paśla praviadzieńnia nieabchodnych pracesualnych dziejańniaŭ». I heta prytym, što niekatoryja z vyniatych nośbitaŭ infarmacyi byli zusim pustyja.
Na našu dumku, hetyja zaciažki śviedčać, što metaj pieratrusaŭ i vymańnia techniki byli nie tolki «śledčyja dziejańni», ale i žadańnie ŭskładnić pracu niezaležnym ŚMI.
Kamientary