«Ma naohuł dumali, što jany na tydzień źjeduć», — kaža kiraŭnik MZS.
Biełaruś ličyć mahčymym viartańnie ŭ Minsk pasłoŭ krain ES, ale choča, kab heta rašeńnie prymałasia Jeŭrasajuzam zrazumieła i asensavana.
«Ciapier, kali Jeŭrasajuz źviartajecca da nas z prapanovaj ab viartańni pasłoŭ, my, ščyra kažučy, paciskajem plačyma i kažam: " A my ž vas nie adpraŭlali, nie suprać taho, kab vy viartalisia «Ale treba zrabić, kab heta było asensavana i zrazumieła ludziam», — zajaviŭ žurnalistam ministr zamiežnych spraŭ Biełarusi Siarhiej Martynaŭ pa vynikach narady ŭ Łukašenki pa pytańniach źniešniaj palityki.
U pryvatnaści, adznačyŭ ministr, «kali jany viernucca, a ŭ krasaviku buduć pryniatyja niejkija sankcyjnyja miery, to što heta za dyjałoh taki»? «My ŭ hetaj temie zusim adkryty pasłam. — Heta kanał dyjałohu, i, viadoma, jany pavinny pracavać u krainach, na dabrabyt u adnosinach pamiž hetymi krainami», — zajaviŭ kiraŭnik MZS.
Viartajučysia da temy adjezdu pasłoŭ krain ES ź Minska, ministr akcentavaŭ uvahu na tym, što «my nie prasili jeŭrapiejskich pasłoŭ adsiul źjazdžać». «Tak, my prapanoŭvali źjeździć na kansultacyi dvum kankretnym pasłam i miełasia na ŭvazie, moža być, na tydzień», — adznačyŭ S. Martynaŭ. «Zvarotny krok Jeŭrasajuza byŭ vidavočna niepraparcyjnym, masiravanym. Ale heta była ich inicyjatyva», — zajaviŭ ministr zamiežnych spraŭ Biełarusi.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary