Bolš jak 150 lehkavych aŭtamabilaŭ sabralisia na biełaruska-polskaj miažy ŭ mižnarodnym aŭtadarožnym punkcie propusku «Brest», paviedamiŭ načalnik pres-słužby Bresckaj pahraničnaj hrupy Alaksandr Kisłoŭ.
Mašyny na pierachodzie, jaki bolš viadomy jak «Varšaŭski most», pačali źbiracca jašče viečaram 29 krasavika. Da ranicy na miažy, pavodle słoŭ Kisłova, užo vystraiłasia surjoznaja čarha. Pavodle jaho acenki, z bolš jak paŭtary sotni aŭtamabilaŭ u čarzie na vyjezd ź Biełarusi tolki 5% nakiroŭvajucca na adpačynak.
U pieršaj pałovie dnia ŭ čarzie na vyjezd ź Biełarusi było taksama šmat aŭtobusaŭ. Zaraz ža pieravažajuć aŭtamabili ź biełaruskimi, polskimi i rasijskimi numarami.
Prapusknaja zdolnaść punkta propusku «Brest» składaje 1.200 aŭtamabilaŭ u adzin bok za sutki, a čerhi stvarajucca, kali na aŭtadarožny punkt propusku adnačasova prybyvajuć bolš jak sto aŭtamabilaŭ.
Takim čynam, pry takoj čarzie, jakaja nazirajecca zaraz, aŭtamabili mohuć prastajać na miažy ad 4 da 12 hadzin.
Čakajecca, što z nastupleńniem maja čerhi na biełaruska-polskaj miažy stanuć mienšymi, bo z 1 pa 3 maja ŭ Polščy adznačajuć dziaržaŭnyja śviaty (Śviata pracy i Dzień Kanstytucyi). Bolšaść handlovych abjektaŭ hetymi dniami ŭ Polščy buduć začynieny, a značyć, patok biełarusaŭ, jakija jeduć u susiedniuju krainu ŭ asnoŭnym za pakupkami, źmienšycca.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary