Hienieralnaj prakuraturaj Biełarusi zaviedziena kryminalnaja sprava ŭ dačynieńni da dyrektara VKUP "ŽKH Minskaha rajona", jaki niepravamierna vypisvaŭ sabie i inšym kiraŭnikam pradpryjemstvy vialikija premii.
Kryminalnaja sprava ŭ dačynieńni da dyrektara VKUP "ŽKH Minskaha rajona", jaki taksama źjaŭlajecca deputatam Minskaha rajonnaha Savieta deputataŭ, była zaviedzienaja paśla adpaviednaj pravierki Hałoŭnaha ŭpraŭleńnia baraćby z arhanizavanaj złačynnaściu i karupcyjaj (HUBAZiK) MUS.
Pavodle papiarednich dadzienych, padazravany z krasavika 2008 pa śniežań 2010 hoda, dziejničajučy nasupierak intaresam słužby, u parušeńnie zakanadaŭstva, z karyślivaj zacikaŭlenaści nieadnarazova davaŭ padnačalenym supracoŭnikam rasparadžeńni ab uniasieńni ŭ buchhałtarskija i inšyja spravazdačnyja dakumienty zahadzia iłžyvych źviestak ab finansavym stanoviščy pradpryjemstva.
Tak, pa ŭkazańni dyrektara ŭ spravazdačnaść ŭnosilisia iłžyvyja źviestki ab zvyšnarmatyŭnych stratach hazu i elektraenierhii, a taksama ab ustojlivaj zapazyčanaści pierad biudžetam pa apłacie za enierhanośbity i vypłacie rabotnikam zarabotnaj płaty. Praściej kažučy, dyrektar usio heta chavaŭ i vydavaŭ niezakonnyja zahady ab premiravańni supracoŭnikaŭ aparata kiravańnia, nie zabyvajučy i pra siabie.
U adpaviednaści z hetymi zahadami kiraŭniki VKUP "ŽKH Minskaha rajona", u tym liku i sam dyrektar niezakonna atrymlivali vialikija premii, jakich prosta nie zasłuhoŭvali.
Pavodle padlikaŭ barcoŭ z karupcyjaj, amal za try hady za košt pradpryjemstva jaho kiraŭniki atrymali na ruki bolš za 123 miljony rubloŭ.
Pa dadzienym fakcie ŭ dačynieńni da dyrektara VKUP "ŽKH Minskaha rajona" Hienieralnaj prakuraturaj raspačata kryminalnaja sprava pa prykmietach złačynstva, praduhledžanaha č.3 art.424 Kryminalnaha kodeksa Biełarusi (złoŭžyvańnie ŭładaj abo słužbovym stanoviščam, ździejśnienaje słužbovaj asobaj, jakaja zajmaje adkaznaje stanovišča, albo pry vykanańni funkcyjaŭ pa raździaržaŭleńni ci pryvatyzacyi dziaržaŭnaj majomaści, albo jakija mieli ciažkija nastupstvy).
Kryminalnaja sprava pieradadziena dla dalejšaha śledstva ŭ Śledčy kamitet Biełarusi.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?66
Kamientary