«Mianie rehularna zatrymlivajuć na miažy niezaležna ad taho, ci jedu ja za miažu, ci adtul viartajusia» — kaža Jaŭhien Skrabutan. Jamu nieadnojčy davodziłasia načavać praz hetyja zatrymańni na pamiežnych pierajezdach.
Studenta prahramy Kalinoŭskaha Jaŭhiena Skrabutana zatrymali siońnia ŭranku na čyhunačnym vakzale ŭ Horadni — pamiežnikaŭ zacikavili papiery, jakija chłopiec, delehat apošniaha Kanhresu demsiłaŭ, vioz z saboju ŭ Polšču. Pa jaho słovach, hetyja papiery nia majuć asablivaj vartaści i byli dastupnyja kožnamu ŭdzielniku forumu. Mytniki kanfiskavali dakumenty, ab čym byŭ składzieny pratakoł. Zatym pryjechali supracoŭniki KDB na čale z kapitanam Žyvuškam. Ź Jaŭhienam kala hadziny hutaryli, raspytvajučy pra jaho ŭdzieł u niezarehistravanaj arhanizacyi, u niesankcyjavanych akcyjach suprać rujnavańnia strych budynkaŭ u Horadni. Pa słovach kapitana Žyvuški, u KDB viedajuć ź kim i pra što Skrabutan havoryć i navat ab čym dumaje. Paśla hutarki kalinoŭca adpuścili, paabiacaŭšy pasadzić jaho na bližejšy ciahnik.
«Mianie rehularna zatrymlivajuć na miažy niezaležna ad taho, ci jedu ja za miažu, ci adtul viartajusia» — kaža Jaŭhien. Jamu nieadnojčy davodziłasia načavać praz hetyja zatrymańni na pamiežnych pierajezdach.
Kamientary