Раней Міністэрства назвала «дэструктыўнымі» сайты, якія апублікавалі гэтую навіну.
Затрыманы начальнік галоўнага ўпраўлення ўласнай бяспекі Міністэрства ўнутраных спраў Рэспублікі Беларусь падпалкоўнік міліцыі Уладзімір Кротаў. Аб гэтым паведамілі ў Міністэрстве ўнутраных спраў.
На падставе сабраных і накіраваных у Следчы камітэт матэрыялаў, у дачыненні да Кротава заведзена крымінальная справа па прыкметах злачынства, прадугледжанага ч.2 арт.426 Крымінальнага кодэкса (перавышэнне ўлады або службовых паўнамоцтваў, учыненае з карыслівай ці іншай асабістай зацікаўленасці), гаворыцца ў інфармацыі, змешчанай на сайце МУС.
Цікава, што 16 сакавіка Міністэрства ўнутраных спраў Беларусі абвергла інфармацыю аб затрыманні Кротава. «16 сакавіка 2013 года ў інтэрнэце на дэструктыўных рэсурсах было размешчана паведамленне аб нібыта затрыманні і арышце начальніка галоўнага ўпраўлення ўласнай бяспекі Міністэрства ўнутраных спраў Рэспублікі Беларусь падпалкоўніка міліцыі Уладзіміра Кротава», — гаварылася ў паведамленні, размешчаным на сайце міліцэйскага ведамства.— Міністэрства ўнутраных спраў афіцыйна заяўляе, што гэтая інфармацыя не адпавядае рэчаіснасці». МУС адзначала, што «распаўсюджванне недакладнай, а часам і лжывай інфармацыі на так званых «апазіцыйных»
Зыходзячы з такой логікі, і сайт МУС пасля сённяшняга пацвярджэння затрымання Кротава трапіў у шэрагі «дэструктыўных». Зрэшты, ранейшы прэс-рэліз з сайта МУС знік.
Затым БелТА у Следчым камітэце сказалі, што Кротава затрымалі ў аўторак, 19 сакавіка.
Каментары