Гіганцкая прышчэпка, фатэль і вуллі: у Мінску адкрылі парк з інсталяцыямі «Арт-астравы» ФОТАРЭПАРТАЖ
На тры месяцы востраў Камсамольцаў у акваторыі Камсамольскага возера ператварыўся ў музей сучаснага беларускага мастацтва пад адкрытым небам. 18 чэрвеня ў Мінску адкрыўся мастацкі праект «Арт-Астравы».
Упершыню ў Беларусі пад адкрытым небам прадстаўленыя 14 шматметровых прасторавых аб'ектаў дванаццаці вядомых беларускіх мастакоў. Выстава будзе доўжыцца на працягу ўсяго лета і будзе даступная мінчанам і гасцям сталіцы бясплатна.
Праект «Арт-Астравы» прадставіў самай шырокай аўдыторыі асноўныя кірункі развіцця беларускага contemporary art і створыць перспектыўную арт-пляцоўку для рэалізацыі творчых ініцыятыў мастакоў. Таксама праект імкнецца распрацаваць механізмы ўкаранення і гарманічнага існавання арт-аб'ектаў у кантэксце звыклага гарадскога асяроддзя.
У праекце ўдзельнічаюць Канстанцін Селіханаў, Канстанцін Касцючэнка, Міхаіл Шыкаў, Павел Вайніцкі, Валерый Малахаў, Вадзім Мацкевіч, Сяргей Ермаловіч, Ігар Леонцьеў, Дзяніс Барсукоў, Таццяна Гомза, Пётр Кузьміч, Віктар Астэр.
Праект «Арт-Астравы» рэалізуецца Цэнтрам Сучасных Мастацтваў і агенцтвам сацыяльнага маркетынгу «GrandBS» пры падтрымцы Мінскага гарадскога выканаўчага камітэта і Міністэрства культуры Рэпублікі Беларусь. Генеральны спонсар праекта – Альфа-Банк (Беларусь).
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам12
Каментары