Чытач «Нашай Нівы» даслаў у Рэдакцыю загад, выдадзены начальнікам аддзела адукацыі спорта і турызма Наваполацкага гарвыканкама Пятром Апановічам. Паводле яго, супрацоўнікам аддзела зробяць наведванне басейнаў бясплатным. А вось настаўнікам гарадскіх школ — за 50% ад цаны.
«Калі яны наогул не ходзяць у басейн аніяк, то трэба іх туды завабіць», — тлумачыць Пётр Апановіч. Па яго словах, сілай нікога не пацягнуць — усё выключна добраахвотна.
«Прычым, гэта не чыноўнікам мы прапануем бясплатна, а супрацоўнікам сістэмы адукацыі — настаўнікам, выхавацелям, — запэўнівае ён. — Чыноўнікі плацяць, я і сам плачу».
Каментары