Суперпапулярны хлапчуковы гурт BTS з Паўднёвай Карэі, таксама вядомы як Bangtan Boys або Beyond The Scene, абвясціў пра перапынак у кар'еры на нявызначаны, але, як адзначаецца, кароткі тэрмін.
Напярэдадні музыкі далі апошні на найбліжэйшы час канцэрт у Сеуле.
У кампаніі Big Hit Entertainment, што выступае як агент групы, заявілі, што сем удзельнікаў групы будуць адпачываць.
У кампаніі дадалі, што перапынак у кар'еры «дасць дзецям магчымасць атрымаць асалоду ад звычайнага жыцця 20-гадовых маладых людзей, хоць і ненадоўга».
Гэта першая паўза ў кар'еры групы, якая дэбютавала ў 2013 годзе. Колькі будзе доўжыцца перапынак, пакуль невядома.
Калектыў BTS складаецца з сямі ўдзельнікаў: RM (лідар гурта), Чына, Сюгі, Джэй-Хоўпа, Чыміна, Ві і Чонгука. У ліпені 2017 года гурт змяніў лагатып і расшыфроўку іх назвы на англійскай мове, у выніку чаго яны сталі звацца Beyond The Scene.
Гэта адзін з найбуйнейшых бойбэндаў у свеце, у гэтым годзе музыкі сталі першай паўднёвакарэйскай групай, якая заваявала першае месца ў брытанскім хіт-парадзе. Затым, у чэрвені яны сталі першай паўднёвакарэйскай групай, якая выступіла на стадыёне Уэмблі.
З моманту дэбюту BTS прадалі больш за 5 мільёнаў сваіх запісаў па ўсім свеце і ў гэтым годзе заваявалі першае месца ў амерыканскіх чартах са сваім альбомам Love Yourself.
Іх кар'ера развіваецца імкліва, а папулярнасць толькі расце.
-
«У кожнага свая дарожка». Відэа з юнаком, які паехаў на праполку бульбы пад Мазыром, стала мемам
-
46‑гадовы праваабаронца Сяргей Усцінаў шакаваў сацсеткі сваімі здымкамі ў жаночым абліччы
-
З бензінам бяда, а елі на бардзюры: былая фрыстайлістка Асоль Слівец з чатырма дзецьмі вяртаецца з адпачынку ў Расіі
Цяпер чытаюць
Стаў вядомы прысуд экс-памочніку Лукашэнкі Ігару Брыло4
Каментары