Праходзіць ён будзе ў Мінску, у Палацы мастацтваў.
Сёння, 3 красавiка, па блаславеннi Мiтрапалiта Мiнскага i Слуцкага, Патрыяршага Экзарха ўсяе Беларусi адкрываецца 7‑я духоўна‑асветнiцкая выстава‑продаж «Вербны кiрмаш». Культурна‑асветнiцкая праграма выставы называецца «Мой родны кут».
Галоўныя яе тэмы: святыя Зямлi Беларускай, хрысцiянскiя традыцыi Бацькаўшчыны, гiсторыя i сучаснасць Беларускай праваслаўнай царквы.
Падчас работы выставы будуць адбывацца сустрэчы‑гутаркi i лекторыi для моладзi i школьнiкаў, майстар‑класы (у тым лiку па традыцыйных беларускiх рамёствах: керамiцы, пляцення з лазы), сустрэчы з урачамi‑гамеапатамi i фiтатэрапеўтамi, лiтаратурна‑паэтычныя кампазiцыi з удзелам вядомых беларускiх акцёраў (Марыя Захарэвiч, Вiктар Манаеў, Яўген Пiменаў i iнш.), прэзентацыi новых кнiг i фiльмаў, семiнары, сустрэчы са свяшчэннаслужыцелямi… Штодня на выставе будзе працаваць дзiцячая гасцёўня «Вясёлка». Як заўсёды, тут можна набыць традыцыйныя велiкодныя сувенiры, корабы i кошыкi для асвячэння ў царкве кулiчоў, вербныя кампазiцыi, абразы, лiтаратуру, святочную вопратку, хусткi i шалiкi, вырабы народных майстроў i мастакоў.
Экспазiцыя размесцiцца па адрасе: Мiнск, вулiца Казлова, 3 (Палац мастацтваў).
Яна будзе працаваць штодня да 11 красавiка з 10 да 20 гадзiн (у апошнi дзень — да 18 гадзiн).
Больш падрабязную iнфармацыю пра культурна‑асветнiцкую праграму кiрмашу можна даведацца па тэлефоне (017) 273 72 98 або на сайце pravoslav‑expo.by
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома4
Каментары