Міністр замежных спраў Германіі: Украіне трэба пастаўляць цяжкую зброю, гэта больш чым відавочна
Кіраўнік МЗС Германіі Аналена Бербак заклікала заходнія краіны паставіць Украіне «цяжкую зброю», адначасова выступіўшы з завуаляванай крытыкай канцлера Олафа Шольца, які затрымлівае пастаўкі танкаў Кіеву, піша выданне Politico.
«Цалкам зразумела, што Украіне трэба больш вайсковых матэрыялаў, асабліва цяжкага ўзбраення», — заявіла Бербак на сустрэчы міністраў замежных спраў ЕС у Люксембургу.
Па яе словах, «жах, які мы бачым кожны дзень» у вайне Расіі супраць Украіны, робіць неабходнасць такіх паставак «больш чым відавочнай».
Германія ўжо паставіла ва Украіну абарончую зброю, такую як супрацьтанкавыя ракеты, у той час як «цяжкае ўзбраенне» мае на ўвазе адпраўку танкаў, артылерыі або сучасных сістэм СПА.
На мінулым тыдні тое ж выданне паведамляла, што Шольц усё адкладае прыняцце канчатковага рашэння аб адпраўцы нямецкіх танкаў ва Украіну, нягледзячы на ціск з боку сваіх партнёраў па кааліцыі.
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары