Ministr zamiežnych spraŭ Hiermanii: Ukrainie treba pastaŭlać ciažkuju zbroju, heta bolš čym vidavočna
Kiraŭnik MZS Hiermanii Analena Bierbak zaklikała zachodnija krainy pastavić Ukrainie «ciažkuju zbroju», adnačasova vystupiŭšy z zavualavanaj krytykaj kanclera Ołafa Šolca, jaki zatrymlivaje pastaŭki tankaŭ Kijevu, piša vydańnie Politico.
«Całkam zrazumieła, što Ukrainie treba bolš vajskovych materyjałaŭ, asabliva ciažkaha ŭzbrajeńnia», — zajaviła Bierbak na sustrečy ministraŭ zamiežnych spraŭ ES u Luksiemburhu.
Pa jaje słovach, «žach, jaki my bačym kožny dzień» u vajnie Rasii suprać Ukrainy, robić nieabchodnaść takich pastavak «bolš čym vidavočnaj».
Hiermanija ŭžo pastaviła va Ukrainu abarončuju zbroju, takuju jak supraćtankavyja rakiety, u toj čas jak «ciažkaje ŭzbrajeńnie» maje na ŭvazie adpraŭku tankaŭ, artyleryi abo sučasnych sistem SPA.
Na minułym tydni toje ž vydańnie paviedamlała, što Šolc usio adkładaje pryniaćcie kančatkovaha rašeńnia ab adpraŭcy niamieckich tankaŭ va Ukrainu, niahledziačy na cisk z boku svaich partnioraŭ pa kaalicyi.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary