Каменны калодзеж і шафа, распісаная Драздовічам. Такія цуды захаваліся ў вёсцы на Глыбоччыне
Аўтары тэлеграм-канала «Вёскі Беларусі» ездзяць па вясковай бацькаўшчыне і апісваюць у канале свае ўражанні. Сярод іншага яны ехалі на магілу вядомага беларускага мастака Язэпа Драздовіча, а ў вёсцы каля тых могілак пабачылі сапраўдныя цікавосткі.
Падарожнікі пішуць:
«Мы ехалі па вёсцы, калі заўважылі калодзеж, выраблены з каменя і прыпыніліся, каб паглядзець. Насупраць, у сваім двары стаяла бабуля, да якой мы накіраваліся, каб спытаць хто зрабіў такую прыгажосць. Бабуля пачала распавядаць пра суседа, а мы ёй распавялі, што едзем на магілу Драздовіча.
І што вы думаеце? Праз 10 хвілін размовы Мальвіна Браніславаўна (так, мы пазнаёміліся) раптам кажа: «Хадзіце, я вам пакажу Язэпа Драздовіча шкаф». Мы нават аслупянелі.
Сапраўды, у яе хаце стаіць размаляваная Драздовічам шафа. На кожных дзверцах яго подпіс. Мальвіна Браніславаўна сказала, што ўжо хацелі яе набыць, але сын не хоча прадаваць сямейную каштоўнасць. А таксама распавяла, як яна мые шафу, каб не пасціраліся фарбы. Працаваў тады Язэп Драздовіч за ежу. У вёсцы шмат у каго былі ягоныя дываны, абрусы ці шафы, куды цяпер усё падзелася, бабуля не ведае.
Мы проста прыпыніліся і паразмаўлялі з бабуляй. Цуд».
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі1
Каментары
Ну, слупянець не трэба!
Пра гэтую шафу гадоў 5 таму, зняў ролік Аляксандр Краўцэвіч, глядзець БелСат трэба.
А вы ведаеце, што
Драздовіч быў "класічным хранічным дармаедам" -- па сённяшніх крытэрах. Яго была прышчаміла
падатковая інспекцыя (хібы Пліскага р-на, быў такі) -- за няўплату падаткаў!
Ходзіш, маўляў, па хатах, малюеш, жывеш з таго -- плаці падатак! А як вылічылі? Драздовіч жа
на ўсіх сваіх працах ставіў аўтограф -- Drazdovič. Пасля гэтага наезду толькі
літару – D.