Крышціяну Раналду афіцыйна стаў гульцом клуба ў Саудаўскай Аравіі. За рэкордны заробак
Партугальскі футбаліст Крышціяну Раналду афіцыйна стаў гульцом клуба «Аль-Наср» з Саудаўскай Аравіі. Пра гэта паведаміў клуб на сваіх старонках у сацсетках, а яшчэ раней інфармацыя з'явілася ў СМІ.
Кантракт з «Аль-Насрам» заключаны на два гады, апошні месяц партугалец знаходзіўся ў статусе свабоднага агента. Паводле інфармацыі амерыканскага выдання CBS, заробак партугальца складзе 75 мільёнаў даляраў у год. А з улікам рэкламы ён можа скласці 200 мільёнаў даляраў.
«Аль-Наср» — пяты клуб у прафесійнай кар'еры Крышціяну Раналду. Партугалец выступаў за «Спортынг», «Манчэстар Юнайтэд», «Рэал Мадрыд» і «Ювентус». Прычым за МЮ ён выступаў двойчы.
«Аль-Наср» — 9-разовы чэмпіён Саудаўскай Аравіі, апошні раз выйграў тытул па выніках сезона 2018/19. Трэніруе клуб французскі спецыяліст Рудзі Гарсія.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца
Каментары