Сакратар Рады нацыянальнай бяспекі і абароны Украіны Аляксей Данілаў паведаміў, што байцы ПВК «Вагнер» пасля сыходу з Бахмута працягнуць ваяваць супраць Украіны.
У Данілава Бі-бі-сі спытала, ці сапраўды найміты «Вагнера» пакідаюць Бахмут, і ён гэта пацвердзіў.
«Так, гэта адбываецца. Яны не перастануць ваяваць з намі. Яны збіраюцца больш засяродзіцца на іншых франтах… яны перагрупоўваюцца ў трох іншых месцах».
Данілаў падтрымаў рашэнне ўкраінскай арміі ваяваць у Бахмуце цягам многіх месяцаў.
Ён растлумачыў, што Бахмут — гэта ўкраінская зямля, і ўкраінцы павінны яе абараняць.
Сакратар РНБА падкрэсліў, што Бахмут «адыграў вялікую ролю ў гэтай вайне».
«Калі мы пачнём пакідаць кожны населены пункт, гэта можа прывесці нас да заходняй мяжы, як таго хацеў Пуцін з першых дзён вайны», — сказаў Аляксей Данілаў.
Пра тое, што «вагнераўцы» пакідаюць, як і было заяўлена, Бахмут, стала вядома 25 мая. Іх замяняюць падраздзяленні рэгулярнай расійскай арміі.
Пад Бахмутам загінуў Міраслаў Лазоўскі.
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам14
Каментары