Перавозчыкі заплацяць 2,5 мільёна рублёў кампенсацыі за гібель 13 чалавек у ДТЗ пад Смалявічамі
Суд Смалявіцкага раёна вынес рашэнне па пазовах пацярпелых і сваякоў загінулых у лабавым сутыкненні МАЗа з маршруткай пад Смалявічамі, якое адбылася 20 лютага. У выніку ДТЗ кіроўца маршруткі і 12 пасажыраў загінулі. Сем пасажыраў атрымалі цяжкія цялесныя пашкоджанні. Кіроўцу МАЗа ў кастрычніку асудзілі на сем гадоў калоніі.
Суд высветліў, што кіроўца МАЗа, які належыць ААТ «Мінаблаўтатранс», парушыў правілы дарожнага руху, выехаў на сустрэчную, дзе сутыкнуўся з маршруткай «Сітраен», якая належыць прыватнай фірме «Сінкевіч».
Сваякі загінулых звярнуліся з пазовамі аб спагнанні грашовай кампенсацыі маральнай шкоды на сумы ад 20 000 да 100 000 рублёў.
Прадстаўнікі адказчыкаў фірмы «Сінкевіч» і Мінаблаўтатранса ў судовым пасяджэнні пазовы прызналі часткова, не пагадзіўшыся з заяўленымі памерамі кампенсацый.
Суд Смалявіцкага раёна пастанавіў:
— спагнаць у салідарным парадку з ААТ «Мінаблаўтатранс» і ПТСУП «Сінкевіч» у кошт грашовай кампенсацыі маральнай шкоды на карысць пазоўнікаў 2 530 000 рублёў;
— спагнаць у салідарным парадку з прадпрыемства «Сінкевіч» і Мінаблаўтатранса ў даход дзяржавы дзяржаўную пошліну 7 548 рублёў.
Кіроўцу ў пазове адмовілі, паведамляе прэс-служба Вярхоўнага суда.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца
Каментары