Украінскі прадзюсар атрымаў расійскае грамадзянства і сфатаграфаваўся пад партрэтам Пуціна
Юрый Бардаш публічна падтрымаў уварванне войскаў РФ ва Украіну.
Юрый Бардаш апублікаваў фатаграфію з расійскім пашпартам у сваім тэлеграм-канале. Бардаш вядомы па працы з гуртамі Quest Pistols, «Грыбы», «Нервы» і спявачкай Лунай, піша «Медуза».
Фота: тэлеграм-канал Юрыя Бардаша
Юрый Бардаш нарадзіўся ў Алчэўску Луганскай вобласці. Ён публічна падтрымаў уварванне войскаў РФ ва Украіну. Пасля пачатку поўнамаштабнай вайны Бардаш з'ехаў з Украіны ў Грузію, а затым перабраўся ў Расію.
Пра намер атрымаць грамадзянства РФ і заадно, па рэкамендацыі святара з манастыра ў Пячорах, змяніць імя з Юрыя на Георгій, Бардаш расказваў яшчэ ў верасні 2022 года.
Каментары