Паліцыя тайландскай правінцыі Пхукет выдала ордэры на арышт пецярых расіян па справе аб выкраданні беларускай сямейнай пары. Яе фігуранты прымусілі беларусаў перавесці на чужы рахунак крыптавалюту на суму каля 900 тысяч даляраў, паведаміла газета Bangkok Post.
Паведамляецца, што 29 студзеня 2024 года каля 10-й гадзіны раніцы зламыснікі на чорным мікрааўтобусе Hyundai перагарадзілі дарогу ў адным з раёнаў вострава Пхукет, спыніўшы матацыкл, на якім перамяшчалася пара з Беларусі.
Пасля таго мужчыну і жанчыну запхнулі ў мікрааўтобус, дзе прымусілі перавесці на свае рахункі крыптавалюту на суму 901 200 даляраў. Пасля гэтага сямейную пару адвезлі ў іншы раён Пхукет і адпусцілі.
Дваіх падазраваных супрацоўнікі тайландскай паліцыі затрымалі ў міжнародным аэрапорце Пхукет, калі яны спрабавалі пакінуць краіну. Яшчэ двое былі затрыманыя ў месцы пражывання на востраве. Усе яны былі дастаўленыя ў паліцэйскі ўчастак для правядзення допыту, падчас якога адкідалі абвінавачванні на свой адрас.
Пяты падазраваны пасля затрымання быў дапытаны асобна ад астатніх. Ён таксама адмаўляе сваю датычнасць да гэтай справы. Як адзначае газета, яго лічаць арганізатарам выкрадання.
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск27
Каментары