ГУР заявіў пра забойства пілота расійскага бамбавіка, датычнага да атакі на гандлёвы цэнтр у Краменчугу
ГУР МА Украіны заявіў пра забойства ў вёсцы Супонева пад Бранскам пілота 52-га цяжкага бамбавальнага авіяпалка ВКС РФ Дзмітрыя Галянкова.
«Ваенны злачынец займаў пасаду начальніка штаба расійскай авіяцыйнай эскадрыллі», — піша ГУР МА Украіны.
Паводле паведамлення ГУР, Галянкоў датычны да ракетных удараў па ўкраінскіх грамадзянскіх аб'ектах, у прыватнасці па гандлёвым цэнтры «Амстор» у горадзе Краменчугу Палтаўскай вобласці.
«У момант атакі 27 чэрвеня 2022 года ў ГЦ знаходзіліся каля 1000 чалавек. У выніку ваеннага злачынства тады загінулі 22 чалавекі, дзясяткі атрымалі раненні», — піша ГУР.
Таксама Галянкоў, сцвярджае ГУР, адказны за ракетны ўдар па жылым доме ў Дняпры 14 студзеня 2023 года, калі загінула 46 грамадзянскіх украінцаў, сярод іх ― 6 дзяцей.
«Цела расійскага ваеннага злачынца Дзмітрыя Галянкова знайшлі з множнымі траўмамі галавы, прычыненымі, верагодна, малатком», — гаворыцца ў паведамленні ўкраінскай спецслужбы.
Цяпер чытаюць
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары
Ведь каждую ночь, на захваченных территориях Украины и даже в России, происходят такие неожиданности и будут происходить до тех пор, пока русские не уберутся в Россию.